ادیب فهیم له خپلې دندې استعفا وکړه

د افغانستان  د پخواني جهادي مشر  او د ولسمشر د پخواني مرستیال مارشال محمد قسیم فهیم  زوی  ادیب  فهیم  د ملي امنیت ریاست د مرستیالۍ  د دندې نه استعفا وکړه.

ادیب فهیم  د ټولنیزې مډیا له لارې  په خپور کړي  استعفا لیک کې چې د ولسمشرۍ ماڼۍ ته  وړاندی کړی دی  لیکلي دي چې  د تیرو ۴ کلونو راهیسې  د ملي امنیت ریاست د لومړي مرستیال په توګه  په ډیر ویاړ سره  دنده  اجرا کړه چې اوس  د شخصي  عذرونو    له امله  نشي کولای چې خپلې دندې ته دوام  ورکړي.

هغه  د ملي وحدت د حکومت نه  په هغه ددې باور  او اعتماد له امله  مننه کړې او ویلي دي چې  د ځوان نسل د یو غړي په توګه  د خپل هیواد  او ملت د ارمانونو د تحقق لپاره ژمن  یم او پدې لاره کې به  تل  هڅه وکړم.

د ویلو ده چې  د افغانستان ولسمشر محمد اشرف غني  د ادیب فهیم د ترسره کړو خدماتو نه په مننې سره د هغه استعفا  منظور کړې ده .