په کابل کې چاودنه وشوه
د کابل په ۱۵ مه حوزه کې د قسيم په سړک کې چاودنه وشوه
د افغانستان پلازمينه کابل نن سهار چاودنې ولړزوله.
د افغانستان د کورنيو چارو وزارت وياند نصرت رحيمي ويلي دي چې نن د سهار په ۷ بجو او ۲۵ دقيقو د کابل د ۱۵ حوزې په سيمه کې د قسيم په سړک کې چاودنه شوې .
هغه ويلي دي چې ددې چاودنې په نتيجه کې لږ تر لږه ۷ تنو ژوند دلاسه ورکړی ذو ۷ تنه نور ټپيان شوي دي.
د کورنیو چارو وزارت ویلي دي چې دا برید د ( ورلډ ګارډ ) په نامه د یو بهرني شرکت د کارکوونکو پر موټر شوی دی.
پدې برید کې چې د موټر پر مټ شوی دی ۷ تنو ژوند د لاسه ورکړی دی او ۱۰ تنه ټپیان شوي دي. په ټپیاڼو کې ۴ تنه د ورلډ ګارډ د شرکت بهرني کارکوونکي دي.
همداشان پدې برید کې ۳ موټرې تخریب شوي دي.
دا پیښه د افغانستان د کورنیو چارو وزارت ته په نږدې سیمه کې رامنځته شوې دی.
دا چاودنه پداسې حال کې رامنځته کیږي چې تیره ورځ د کابل حکومت د طالبانو سره د اسیرو دوو تنو بهرنیو استادانو په بدل کې د حقاني د شبکې د بڼسټګر جلال الدین حقاني زوی انس حقاني او دوه تنه نور جګپوړي زنداني طالبان خوشې کړل.
د افغانستان ولسمشر ویلي وو چې دا کسان يی په مشروط ډول خوشې کړي دي.
