په غزني کې چاودنه وشوه
د غزني په پوهنتون کې چاودنه وشوه
د افغانستان په غزني ولایت کې په پوهنتون کې چاودنه وشوه.
د غزني ولایت نه د ترلاسه شوو معلوماتو له مخې چاودنه د غزني پوهنتون په یو درسي صنف کې رامنځته شوې ده .
د غزني والي وحیدالله کلیمزي ویلي دي چې نن د سهار د لسو بحو په شاوخوا کې د غزني د پوهنتون د ژبې او ادبیاتو د پوهنځي په یو درسي ټولګې کې چاودنه وشوه چې له امله يي ۱۹ تنه ټپيان شوي دي. د ټپیانو نه ۱۵ تنه ښځینه محصلینې دي .
د بله پلوه د یاد شوي ولایت د دولتي روغتون رئیس باز محمد همت ویلي دي پدې چاودنه کې ۲۰ تنه محصلین ټپیان شوي دي چې۱۵ تنه يي ښځینه محصلینې دي .
هغه ویلي دي چې د ټپیانو نه د بعضو روغتیايي حالت ښه ندی.
د افغانستان د کورنیو چارو د وزارت ویاند نصرت رحیمي بیا ویلي دي چې طالبانو دا ځل د غزني په پوهنتون کې په درسي ټولګي کې د برید سره ۲۳ تنه زده کوونکي ټپیان کړل. هغه ویلي دي چې ددې پيښې ډیری ټپيانې ښځینه محصلینې دي. هغه ویلي دي چې دا پيښه د سهار په لسو بجو او لسو دقیقو رامنځته شوې ده .
د برید مسئولیت تر اوسه پورې چا په غاړه ندی اخیستی.
