په بغلان کې په پوځي مرکز برید شوی

د افغانستان په شمال کې  په بغلان ولایت کې طالبانو په یو پوځي مرکز د برید په پایله کې لږ تر لږه ۶ تنه سرتیري وژل شوي دي.

د بغلان ولایت د ولایتي شورا رئیس محمد صفدر محسني  خبري رسنیو ته ویلي دي چې  د بغلان ولایت د چشمې شیر په سیمه کې طالبانو په یو پوځي مرکز  برید کړی دی.

د برید نه وروسته  نښته پيل شوې ده .

په نښته کې  ۶ تنو سرتیرو ژوند د لاسه ورکړی دی  او ۸ تنه  طالب اورپکي وژل شوي دي.

طالبانو د پیښې په اړه تر اوسه پورې څه ندي ویلي.