په غزني کې پر سیمه ایزو پولیسو هوايي برید شوی

د غزني د والي ویاند  محمد عارف نوري خبري رسنیو ته وویل چې  تیره شپه  د یاد ولایت د جاغوري په ولسوالۍ کې  د حوت قول  په سیمه کې په غلطۍ کې   د سیمه ایزو پولیسو پر پوستو  هوايي بریدونه شوي دي.

هغه ویلي دي چې پدې بریدونو کې  ۸ تنو سیمه ایزو پولیسو ژوند د لاسه ورکړی او ۴ تنه نور ټپيان شوي دي.

هغه ویلي دي چې  پدې نه پوهیږي چې  برید د افغان ځواکونو لخوا شوی او که د بهرنیو ځواکونو لخوا.

ویل کیږي برید  د سیمه ایزو پولیسو  چې د ملي امنیت د ریاست لخوا حمایه کیږي  پر پوستو شوی دی.

همداشان  طالبانو  بیا  ویلي دي چې  د غزني د جاغوري ولسوالۍ سربیره  د ګیلان په ولسوالۍ کې  په یو روغتیایي کلینک هم  برید شوی دی.

طالبانو  ویلي دي چې پدې برید کې  یو تن  ډاکټر  صدیق الله مسلم  ژوند  د لاسه ورکړی  او د کلینک ودانۍ  زیانمنه شوې ده .