په کابل کې پارلماني ټاکنې له سره کیږي

په کابل کې پارلماني ټاکنې له سره کیږي

په افغانستان کې د ټاکنیزو شکایتونو د اوریدو کمیسیون په  پلازمینه کابل کې  د پارلماني ټاکنو ټولې رایې باطل اعلان کړې.

د شکایتونو اوریدو د کمیسیون  مسئولینو  نن  سهار په پلازمینه کابل کې  خبري غونډې ته وویل چې  د ډیرو زیاتو ارزونو او هر اړخیزو تحقیقانو نه وروسته پدې نتیجه ورسیدل  چې  د کابل  د حوزې  ټولې رای باطل اعلان کړي.

یاد  شوي کمیسیون ویلي دي چې  د ټولټاکنو کمیسیون باید په پلازمینه کابل کې  له سره  پارلماني ټاکنې وکړي.

خو د افغانستان  د ټولټاکنو خپلواک کمیسیون  ویلي دي چې  نن  به پدې اړه خپله وروستۍ پریکړه  او موقف  اعلان کړي.