په غزني کې پر امريکايي ځواکونو خونړۍ چاودنه شوې
په غزني کې امريکايي ځواکونو ته مرګ ژوبله اوښتې
1096171
د افغانستان د غزني په ولايت کې امريکايي ځواکونو ته درنده مرګ ژوبله واوښته.
په غزني کې د امريکايي ځواکونو په کتار د بريد له امله لږ تر لږه ۳ تنه امريکايي سرتيري وژل شوي او د يو تن امريکايي قرادادي په ګډون ۴ تنه نور ټپيان شوي دي .
په افغانستان کې غوڅ ملاتړ ماموريت د يو بيان په خپرولو سره د پيښې پخلی کړی دی.
د بريد مسئوليت طالبانو په غاړه اخيستی دی.
د طالبانو وياند د ټولنيزې مډيا له لارې په خپور کړي بيان کې ويلي دي چې بريد ددوی لخوا شوی دی.
طالبانو ويلي دي چې د غزني ولايت د شهباز په سيمه کې د امريکايي ځواکونو په کتار درنده چاودنه کړې چې له امله يي ۶ تنو امريکايي سرتيرو ته مرګ ژوبله اوښتې.
