د افغانستان په ختیځ ولایت ننګرهار کې د طالبانو په یو قومندان چاودنه وشوه.
په ننګرهار کې چاودنه شوې
د افغانستان په ختیځ ولایت ننګرهار کې د طالبانو په یو قومندان چاودنه وشوه.
د ننګرهار ولایت د رسنیو دفتر لخوا په خپور شوي یو بیان کې ویل شوي دي چې چې د سهار د ۹ بجو په شاوخوا کې د خوږیاڼو ولسوالۍ د نکړخیلو په سیمه کې په میله کې د حکیم الله په نامه د یو طالب قومندان په موټر کې چاودنه وشوه.
په چاودنه کې د طالب قومندان حکیم الله په ګډون ۳ تنه طالبان مړه او ۴ تنه ملکي وګړي ټپیان شوي دي.
د پیښې ټپیان روغتون ته انتقال او د درملنې لاندې نیول شوي دي.
د برید مسئولیت چا په غاړه ندی اخیستی خو په ننګرهار کې وخت نا وخته د طالبانو او داعش ترهګرې ډلې ترمنځه نښتې کیږي.
د ویلو ده چې د ننګرهار ولایت چې په لسګونو کلونه د امن د ښار په توګه یادیده نن ورځ د داعش او طالبانو په مرکز بدل شوی دی. یاد شوي ولایت امنیت پدې وروستیو کې ډیر زیات خراب شوی دی.
د ویلو ده چې څو ورځې مخکې د ننګرهار په مرکز جلال آباد ښار په زړه کې د ولایت د مقام په څو مترۍ کې په اهل هنودو ځانمرګی برید وشو چې له امله يي ۱۹ تنو ژوند د لاسه ورکړ او ۲۱ تنه نور ټپیان شول.
