په بغلان کې د ټولټاکنو لپاره د نوم لیکنې په مرکز کې چاودنه وشوه
د افغانستان په شمال کې د بغلان ولایت په مرکز پلخمري کې د ټولټاکنو لپاره د نوملیکنې په مرکز کې چاودنه وشوه.
د افغانستان په شمال کې د بغلان ولایت په مرکز پلخمري کې د ټولټاکنو لپاره د نوملیکنې په مرکز کې چاودنه وشوه.
د بغلان ولایت نه د ترلاسه شوي رپوټ له مخې چاودنه نن چارشنبه د جون شپږمه د سهار د څه باندې لسو بجو په شاوخوا کې رامنځته شوه.
پيښه د بغلان ولایت په مرکز پلخمري کې د دشتې الوان په سیمه کې رامنځته شوې ده .
د دشتې الوان په سیمه کې د ټولټاکنو لپاره د نوملیکنې په مرکز کې د مخکې نه په سیمه کې ځای په ځای شوی ماین وچاودید.
د بغلان ولایت د پولیسو ویاند ذبیح الله شجاح خبري رسنیو ته ویلي دي چې پدې چاودنه کې یو تن جګپوړي پولیس او د نوملیکنې د مرکز مشر ژوند د لاسه ورکړی او دوه تنه نور ټپیان شوي دي
د پیښې د مرګ ژوبلې په اړه معلومات ندي ورکړل شوي .
د برید مسئولیت هم تر اوسه چا په غاړه ندی اخیستی.
په افغانستان کې د ټولټاکنو لپاره د نوملیکنې د بهیر د پیلیدو راپدیخوا وخت نا وخته د نوملیکنې په مرکزونو بریدونه کیږي.
