په ننګرهار کې د داعش په پټنځایونو هوايي بریدونه وشول

د افغانستان په ختیځ کې په ننګرهار ولایت کې  د داعش ترهګرې ډلې په پټنځایونو  د بې پیلوټه الوتکې بریدونه وشول.

د ننګرهار ولایت د رسنیو دفتر لخوا په خپره شوې خبرپاڼه کې ویل شوي دي چې  تیره ورځ  د ننګرهار ولایت د هسکې مینې د ولسوالۍ د ګور ګورۍ  په سیمه کې  د داعش ترهګرې ډلې  په پټنځایونو  د بې پیلوته الوتکې لخوا  بریدونه وشول.

پدې بریدونو کې  د داعش ترهګرې ډلې  ۳ تنه بهرني  جنګیالي مړه  او یو تن  بل  ټپي شوی دی.

په خبرپاڼه کې راغلي دي چې  وژل شوي  داعشیان  د اوزبیکستان  وګړي دي.