افغانستان پر سعودي عربستان د توغندیو بریدونه په کلکه توګه وغندل

افغانستان د حوثي یاغیانو لخوا پر سعودي عربستان  د بالستیک توغندیو بریدونه په کلکو ټکو وغندل.

د افغانستان د بهرنیو چارو وزارت پدې اړه په خپره کړې خبرپاڼه کې ویلي دي افغانستان اسلامي جمهوري  د حوثي یاغیانو لخوا  د یمن د خاورې نه  په سعودي عربستان  د بالستیک توغندیو بریدونه په کلکو ټکو غندي.

په اعلامیه کې راغلي دي سره ددې  له نیکه مرغه چې د سعودي عربستان  دفاعي ځواکونو  دا توغندي په هوا کې  شنډ او لمنځه وړي دي خو  په حرمین شریفین باندې  د دا ډول بریدونو اقدام  د ټولې اسلامي نړۍ سربیره  د افغانستان اسلامي جمهوري  دولت انديښنې پارولي دي.

افغانستان  دا بریدونه په کلکه توګه غندي.