په هلمند کې ځانمرګي برید ګڼ شمیر کسانو ته مرګ ژوبله واړوله

د افغانستان د هلمند ولایت په مرکز  لښکرګاه کې  ځانمرګي برید ګن شمیر کسانو ته مرګ ژوبله اړولې ده .

د هلمند  ولایت  د رسنیو د دفتر  پدې اړه په خپره کړې خبرپاڼه ویلي دي چې  تیره شپه  د لښکرګاه  د پولیسو د دریمې حوزې   د بولان په سیمه کې  د موټر پر مټ  ځانمرګی برید وشو.

برید  د پوځیانو په کتار شوی دی. پدې برید کې  یو تن پوځي او یو تن ملکي وګړي په ګډون ۲ تنه مړه  او تر ډیرشو ډیر پوځیان او ملکي وګړي ټپیان شوي دي.

برید  سیمې ته  د ځاني زیانونو سربیره  د پام وړ مالي زیانونه هم اړولي دي.

د ویلو ده چې  طالبانو پرون د په لښکرګاه کې  د پولیسو د اومې او اتمو حوزو په مربوطاتو کې په امنیتي پوستو  غبرګ بریدونه کړي وو چې  ۱۱ تنه پولیس يي  وژلي وو.