افغانستان پوله ساتو په پاکستان ځوابي بریدونه وکړل.
افغانستان په پاکستان توپچي بریدونه وکړل
![افغانستان پوله ساتو په پاکستان ځوابي بریدونه وکړل.](http://cdn.trt.net.tr/images/xlarge/rectangle/a25e/792f/ffce/5a1662553c547.jpg?time=1718583481)
افغانستان پوله ساتو په پاکستان ځوابي بریدونه وکړل.
پاکستان چې وخت نا وخته د افغانستان په خاوره راکټي بریدونه کوي افغان ځواکونو په ځوابي بریدونو لاس پورې کړی دی.
د یادولو وړ ده چې پاکستان د تیرو دوو اونیو راهیسې د افغانستان په ختیځ کې کونړ په ولایت د راکټي بریدونو کچه لوړه کړې ده . افغان چارواکیو ویلي دي چې د پاکستان د راکټي بریدونو په پایله کې د کونړ ولایت په سلګونو کورنۍ د خپلو کورونو پریښودو ته اړ شوي دي.
همداشان ددې په مقابل کې افغان ځواکونو هم په ځوابي بریدونو لاس پورې کړی دی. د کونړ ولایت د امنیې قومندان جنرال جمعه ګل همت خبري رسنیو ته وویل چې ددې هیواد پوله ساتو ځواکونو په پاکستان ځوابي د توپچي بریدونه کړي دي.
هغه ویلي دي چې افغان ځواکونو د پاکستاني ملیشو په مرکزونو د ډي سي او نورو ډولونو توپچي بریدونه کړي چې کیدای شي پاکستاني ملیشو ته يي ځاني زیانونه هم اوښتي وي.
د کونړ والي بیا ویلي دي چې د افغان ځواکونو لخوا د پاکستان په خاوره د توپچي بریدونو نه وروسته د پاکستان له لورې راکټي بریدونه کم شوي دي.
د یادولو وړ ده چې په افغانستان کې د ناټو ځواکونو قومندان جنرال نیکلسن هم په پاکستان د افغانستان په خاوره د راکټي بریدونو له امله سخته نیوکه وکړه.
هغه وویل چې پاکستان پوځ د افغان په خاوره د بریدونو پر ځای دې د ترهګرو د پټنځایونو په اړه استخبارات ددوې سره شریک کړي .
پاکستان بیا ویلي دي چې دوې تل په افغانستان کې د میشتو بهرنیو ځواکونو سره د استخباراتو په شریکولو کې همکاري کړې ده او همکارۍ ته چمتو دي.