په پکتیکا کې حقاني شبکې ته ستر ګوزار ورکړ شو

د افغانستان د پکتیکا په ولایت کې  د حقاني  ترهګرې شبکې ته  ستر ګوزار ورکړ شو.

د پکتیکا په ولایت کې د حقاني ترهګرې شبکې  د یو تن نامتو قومندان  په ګډون  ۱۰ تنه ترهګر  ووژل شول.

د افغانستان د کورنیو چارو د وزارت  پدې اړه په خپره کړې خبرپاڼه کې ویلي دي چې  تیره شپه  افغان ځواکونو  د پکتیکا ولایت د زیروک ولسوالۍ د درې شینکي  په سیمه کې  د حقاني  ترهګرې شبکې  د یو قومندان  په ګډون په ترهګرو هوايي برید وکړ.

په برید کې  د حقاني د شبکې د نامتو قومندان په ګډون  ۱۰ تنه ترهګر  له منځه یوړل شول.

کورنیو چارو وزارت ویلي دي چې پدې هوايي عملیاتو کې  د حقاني د شبکې  اړوند  ۲ موټرې، وسلې ، مهمات  او یو زیات شمیر چاودیدونکي توکي هم  له منځه وړل شوي دي.