د افغانستان په پلازمینه کابل کې چاودنه وشوه.

د افغانستان په پلازمینه کابل کې چاودنه وشوه.

د ترلاسه شوو معلوماتو له مخې  چاودنه د پلازمینې کابل  د پولیسو د شپږمې امنیتي حوزې په مربوطاتو کې رامنځته شوې ده .

د سیمې عینی شاهدانو ویلي دي چې چاودنه د ملکي وګړو په موټر کې د ځای په ځای شوي  بم د چاودنې له امله  رامنځته شوه.

د لومړنیو معلوماتو له مخې په پيښه کې  لږ تر لږه  یو تن ژوند  د لاسه ورکړی دی . چاودنه  د سهار په  د ۷ بجو په شاوخوا کې  د چارقلعه او دارالامان  د سړکونو ترمنځه  رامنځته شوې ده .

د بله پلوه  د کابل  د پولیسو د شپږمې حوزې  مسئولینو  خبري رسنیو ته ویلي دي چې  چاودنه  په یو حکومتي  موټر کې د ځای په ځای شوي مقناطیسي  بم  د چاودنې په پایله کې رامنځته شوې ده .