استانبول سبا د افغانستان په اړه د نړۍوالې غونډې کوربه توب کوي

د ترکیې  د استانبول  ښار  سبا  د افغانستان په اړه  جوړیدونکي  د تماس د ډلې د دویمې نړۍوالې غونډې کوربه توب کوي.

دا غونډه  د پولنډ  په پلازمینه  وارسا کې  جوړیدونکي د ناټو د سرمشریزې  او د بلجیم  په پلازمینه بروکسل  کې د افغانستان په اړه جوړیدونکي د نړۍوال کنفرانس نه  د مخه  جوړیږي. پدې غونډه کې به د افغانستان د وروستیو حالاتو په اړه خبرې وشي.

د ویلو چې پدې غونډه کې  د افغانستان د بهرنیو چارو مرستیال وزیر په مشرۍ  یو ۵۰ کسیز هیت  ګډون کوي.

د افغانستان په اړه د تماس د ډلې لومړنۍ نړۍوالې غونډه  په ۲۰۱۲ کال کې  په استانبول کې جوړه شوې وه. په لومړنۍ غونډه کې  په افغانستان کې  د امنیت او اقتصادي ودې په ګډون  په یو  زیات شمیر مسایلو خبرې شوې وې.