طالبانو په کندوز ولایت کې ۱۶ تنه مساپرو ووژل

طالبانو د  افغانستان په شمال کې د کندوز په ولایت کې  د  تښتولو کسانو نه  ۱۶ تنه وژلي دي.

د ویلو ده چې  طالبانو نن  د سهار په وختي ساعتونو کې  د کندوز په لویه لار  د یو ۴۰۴ ډوله  او یو یو زیات فلاینګ کوچونو نه  مساپر ښکته کړل  او د ځان سره يي بوتلل.

طالبانو ټولټال  نږدې ۲۰۰ تنه  د موټرو نه ښکته کړي وو چې  ۱۵۰ تنه يي ترینه  خوشې کړي دي.

پیښه  د کندوز ولایت د علي آباد په ولسوالۍ کې  رامنځته شوه. د بله پلوه ویل شوي دي چې  طالبانو  د برمته کړو مساپرو نه  ۱۶ تنه وژلي  او څه باندې  ۳۰ تنه اوس هم  ددوی سره برمته دي.

د کندوز د والي ویاند  سید محمود دانش  خبري رسنیو ته ویلي دي چې  د ۱۶ تنو د وژل کیدو خبر يي ترلاسه کړی دی.

همداشان  د کندوز یو تن امنیتي چارواکي شیرغزیز کامه وال بیا ویلي دي چې  ۱۷ تنه مساپر د طالبانو لخوا وژل شوي دي.

د کامه وال ویلي دي چې  طالبانو نن  د سهار په ساعتونو کې  نږدې  ۲۰۰ تنه مساپرو د موټر نه ښکته کړي وو چې  ګڼ شمیر يي بیرته خوشې کړي دي.

د بله پلوه  د کندوز ولایت د علي اباد د ولسوالۍ یو تن چارواکي د فرانسې خبري اژانس ته ویلي دي  چې  طالبانو ښکته کړي مساپر  د یادې شوې ولسوالۍ په مرکز کې  د مرکزي جومات په مخکې راټول کړي وو. د ټولو نه يي  د پیژند پاڼو غوښتنه کوله. طالبانو دا  کسان  پلټل  تر څو  ددوی په منځ کې د دولت سره  اړیکي لرونکي تثبیت کړي.

طالبانو لا تر اوسه پورې د نوموړې پیښې په اړه څه ندي ویلي . طالبان  د خپل نوي مشر ملا هبت الله د ټاکل کیدو نه وروسته  دا لومړی ځل دی چې په لویه لاره کې مساپر د موټرو نه ښکته کوي او ځیني وژني او ځیني نور برمته کوي.