د بغلان ولایت په مرکز کې خونړۍ چاودنه وشوه

د بغلان ولایت په مرکز پلخمري کې د ملي اردو د کتار د تیریدو پر مهال زوروره چاودنه وشوه. د بغلان د امینې قومندان جنرال  امین الله امر خیل خبري رسنیو ته ویلي دي چې  نن  خالي د مازیګر  په ناوخته ساعتونو کې  په پلخمري کې  د ملي اردو د کتار د تیریدو پر مهال  زوروره خونړۍ چاودنه وشوه.

امرخیل ویلي دي چې د لومړنیو معلوماتو له مخې په پیښه کې  ۴ تنه ملکي وګړي مړه  او پنځه تنه نور ټپیان شوي دي .

امرخیل په پیښه کې  ملي اردو ته د ځاني زیانونو د اوښتو او یا نه اوښتو په اړه څه ندي ویلي . 

د برید مسولیت  تر اوسه پورې چا په غاړه ندی اخیستی. د یادولو وړ ده چې  نن  د سهار په ساعتونو کې  د افغانستان په شمال کې د قندوز په ولایت کې هم د پولیسو د مرکز تر څیرمه  چاودنه وشوه چې  د یو تن پولیس په ګډون  ۱۰ تنه يي ټپیان کړل.