یوې میاشتې په دننه کې ۲۴ زره افغان کډوال د پاکستان نه شړل شوي دي
د ملګروملتونو د کډوالو عالي کمشنرۍ ویلي دي چې پاکستان د تیرې یوې میاشتې په دننه کې څه باندې ۲۴ زره تنه افغان کډوال نیولي او د هیواد نه شړلي دي.
د کډوالو د عالي کمشنرۍ د راپور له مخې ډیری کډوال د پاکستان د پولیس د وهلو ټکولو او ځورولو په پایله کې خپل هیواد ته ستنیدو ته اړ شوي دي.
د IOM د کډوالو نړۍوال سازمان چې د افغان کډوالو د بیرته ستنولو او دوې سره د مرستې مسولیت په غاړه لري ویلي دي چې د پاکستان دولت پرته ددې چې ددوی سره اړیکې ونیسې او یا خبر ورکړي په زرګونو تنه افغان کډوال د تورخم له لارې افغانستان ته اړولي دي.
د کډوالو د نړۍوال سازمان یو تن چارواکي ویلي دي چې پاکستان د تیرې یوې میاشتې په دننه کې څه باندې ۲۴ زره تنه افغان کډوال یواځې د تورخم له لارې افغانستان ته اړولي دي.
همداشان د پاکستان راډیو د خبر له مخې نن په پیښور کې ۶۶ تنه افغان کډوال چې قانوني اسناد يي نه درلود د پولیسو لخوا نیول شوي دي.
پاکستان هله د افغان کډوالو نیولو او د هیواد نه د شړولو لړۍ ګړندۍ کړه چې تیره میاشت په پیښور کې په یو عسکري ښوونځي برید وشو.
پاکستاني چارواکي وايي چې په ښوونځي د برید پلان د هیواد نه بهر طرحه شوی وو.
