په کابل کې چاودنې ۴ تنه  ټپیان کړل

د افغانستان په پلازمینه کابل کې د ارزان قیمت په سیمه کې په چاودنه کې ۴ تنه ټپیان شول.
د کابل د امنیتې قومندانۍ په وینا چاودنه نن د سهار د کابل په ۱۲ مه ناحیه کې رامنځته شوه .
د بله پلوه د کورنیو چاور امنیتي معین جنرال ایوب سالنګي ویلي دي چې په برید کې درې تنه امنیتي سرتیري او یو تن ملکي وګړی ټپیان شوي دي . ویل کیږي پیښه د سړک په غاړه د ځای په ځای شوي ماین د چاودنې سره رامنځته شوه .
د برید مسولیت طالبانو په غاړه اخیستی . د طالبانو ویاند ذبیح الله مجاهد د تویټر د حساب لارې په کړو څرګندونو کې په برید کې د ملي اردو د درې تنو افسرانو د وژلو ادعا کړې  ده.