د تورکیې د ورځپاڼو سرټکي
د تورکیې د ورځپاڼو سرټکي
وطن ورځپاڼې "اردوغان: لویدیځ کمزوری دی" د سرلیک لاندې لیکلي دي ، د تورکیې
ولسمشر رجب طيب اردوغان د غزې په تړانګه كې د اسرائيلو پر وړاندې د اوربند د غوښتنې په اړه د لويديځ د پاتې راتلو په اړه غبرګون وښود. اردوغان وویل، دوی دومره کمزوري دي چې د اوربند غوښتنه هم نشي کولی، یوازې نیوکه هم نشي کولی. هغه وویل، «هغه څوک چې د قرآن کریم په سوځولو سترګې پټوي، دوی حتی د فلسطین بیرغ تحمل او زغم هم نلري.
یني شفق ورځپاڼې "د غزې په خاطر د تورکیې او ایران ګډ پیغام" د سرلیک لاندې لیکلي دي ، د تورکیې ولسمشر اردوغان په اوزبیکستان کې د ایران د ولسمشر ابراهیم رئیسي سره د اقتصادي همکاریو د سازمان د سرمشریزې په څنډه کې لیدنه وکړه. په دې لیدنه کې پر غزې د اسرائیلو د بریدونو له امله د رامنځته شوي بشري ناورین او د حل لپاره پر اقداماتو خبرې وشوې. اردوغان وویل چې اسلامي نړۍ باید پر اسرائیلو فشارونه زیات کړي.
حریت ورځپاڼط "بلومبرګ: تورکیه د غزې د کړکیچ د حل لپاره کلیدي هیواد دی" د سرلیک لاندې لیکلي دي ، په داسې حال کې چې په غزه کې بشري تراژیدي په دوامداره توګه دوام لري، امریکا میشته بلومبرګ نشراتي سازمان لخوا د پام وړ تحلیل راغی. بلومبرګ لیکي چې "تورکیه د غزې د کړکیچ د حل لپاره کلیدي هیواد دی"، بلومبرګ لیکلي چې د امریکا ولسمشر جوبایډن باید ژر تر ژره ولسمشر اردوغان ته ټیلیفون وکړي.
د سټار ورځپاڼې " د تورکیې او یونان ترمنځه مذاکرات پيلیږي " د سرلیک لاندې لیکلي دي، د تورکیې او یونان ترمنځ مثبته اجنډا ګړندۍ شوې ده. د تورکیې او یونان پوځي پلاوي د څلورم ځل لپاره غونډه کوي. د تورکیې او یونان د پلاویو ترمنځ د پوځي باور جوړونې د تدبیرونو څلورمه غونډه به د دوشنبې په ورځ د نوامبر په ۱۳مه په انقره کې جوړه شي.
صباح ورځپاڼې "د مرکزي بانک زیرمې پیاوړې کیږي" سرلیک لاندې لیکلي دي،
د تورکیې د جمهوریت مرکزي بانک د خپلو ټولو زیرمو په اړه معلومات خپاره کړل. زیرمې د ۳۹ اونیو ترټولو لوړې کچې ته رسیدلي، د 1 میلیارد ۸۶۰ میلیون ډالرو په زیاتوالي سره ۱۲۸ میلیارد ۴۲۰ میلیون ډالرو ته رسیدلي دي.
