د تورکیې د ورځپاڼو سرټکي
د تورکیې د ورځپاڼو سرټکي
![د تورکیې د ورځپاڼو سرټکي](http://cdn.trt.net.tr/images/xlarge/rectangle/d191/f723/495f/637f3e8870ef4.jpg?time=1718963525)
حریت ورځپاڼې "د تورکیې د والیبال ښځینه ملي لوبډلې د نه ماتېدونکي مشر په توګه د ب ګروپ سیالۍ پای ته ورسوله" د سرلیک لاندې لیکلي دي ،د تورکیې د والیبال ښځینه ملي لوبډلې چې د والیبال د ملتونو لیګ او د اروپا د والیبال اتلولي یې ګټلې وه، د المپیک د غوراوي سیالیو په ب ګروپ کې په خپله وروستۍ لوبه کې بلجیم ته ۳ د صفر په مقابل کې ماتې ورکړه. د تورکیې د والیبال ملي لوبډلې کوربه جاپان ته د ماتې په ورکولو سره د المپیک ویزه ترلاسه کړه. همداشان تورکیې ملي لوبډلې د بلجیم په ماتولو سره د خپل ګروپ سیالي مشر په توګه پای ته ورسوله او بریالیتوب سلسله یې ۲۲ ته لوړه کړه.
د سټار ورځپاڼې "د پنجې- تالۍ " د عملیاتو سره ترهګرو ستر ګوزار " د سرلیک لاندې لیکلي دي ، د تورکیې وسله والو ځواکونو د عراق په شمال کې د پنجې – تالۍ عملیاتو په لړ کې تر اوسه پورې ۶۰۵ ترهګر له منځه وړي دي. کومانډو د عملیاتو په سیمه کې ۶۷۰ غارونه او پټنځایونه چې د ترهګرو له خوا کارول کیده له منځه وړل شوي دي.
د ینې شفق ورځپاڼې "د دفاعي صنعت په برخه کې د تورکیې مهم ګام " د سرلیک لاندې لیکلي دي، تورکیه په سمندرونو کې د خپل حق او ګټو نه په ډیره ښه توګه د دفاع په موخه د ۱۰ کښتیو د جوړولو په ترڅ کې د دوو کښتیو د جوړولو چارې پيل شوي دي. نوموړې کښتۍ د استانبول د شپ یارډ په قوماندانۍ کې جوړیږي. د ویلو ده چې په نوموړې سیمه کې به په عینې وخت کې دوه کښتیو د جوړولو چارې دوام لري.
صباح ورځپاڼې "د تورکیې لومړنی کورنې او ملي بې چلوونکي میټرو په فعالیت پيل وکړ" د سرلیک لاندې لیکلي دي ، لومړی ځایی او ملي بې چلوونکي میټرو ریل ماشین چې د ګبزې په صنعي پارک کې جوړ شوی وو په فعالیت پيل وکړ.
د خبرتورک ورځپاڼې "په ۸ میاشتو کې ۱۱ نیم میلیونه سیلانیان استانبول ته راغلي"
د سرلیک لاندې لیکلي دي ، د کولتور او ګرځندوی وزارت اعلان وکړ چې د ۲۰۲۳ کال په ۸ میاشتو کې استانبول ته د راغلو بهرنیو سیلانیانو شمیر ۱۱ میلیونه ۵۲۴ زره تنه لوړ شوي دي.