د تورکیې د ورځپاڼو سرټکي

د تورکیې د ورځپاڼو سرټکي

ینی شفق ورځپاڼې « اسلامي همکاریو تشکیلاتو سازمان باید د قرآن لپاره  غوڅ اقدام وکړي» د سرلیک لاندې لیکلي دي ،د تورکیې  د بهرنیو چارو وزیر هاکان فیدان له خپل پاکستاني سیال بلاول بهټو سره ټیلیفوني خبرې وکړې. فیدان پدې ټیلیفوني خبرو وویل چې اسلامي همکاریو تشکیلاتو سازمان باید د قرانکریم په خاطر غوڅ اقدام وکړي.

د سټار ورځپاڼې « د نړۍ یو زیات شمیر هیوادونو مشرانو ته به د تورکیې کورنی موټر ټوګ ډالۍ شي » د سرلیک لاندې لیکلي دي ، د تورکیې  د صنعت او ټیکنالوژۍ وزیر محمد فاتح کاجر وویل چې دوی غواړي د نړۍ یو زیات شمیر هیوادونو مشرانو ته  تورکیې کورنی موټر ټوګ ورکړي. هغه وویل چې ټوګ موټر به د یو پلو نه په خپله د هیواد دننه هیوادوالو ته ورکولو ته دوام ورکړي  او د بله پلوه به د نړۍ ګوټ ګوټ ته ورسو.

د صباح ورځپاڼې «  په یوه ورځ کې ۹۹ زره ۱۴۹ سیلانیان د هوا له لارې انتالیا ته راغلي » د سرلیک لاندې لیکلي دي ، د تورکیې د انتالیا ولایت والي ایرسین یازي جي اعلان وکړ چې د یواځې د خالي په ورځ ۹۹ زره او ۱۴۹ تنه سیلانیان د هوا له لارې انتالیا ولایت ته راغلل.

وطن ورځپاڼې : استانبول هوايي ډګر د اروپا تر ټولو بوخت ډګر دی ، د سرلیک لاندې لیکلي دي، د تورکیې د ترانسپورت او زیربنا وزیر عبدالقادر اورال  اوغلو وویل  د د اروپا د هوايي چلند د کنټرول عمومي  ادارې ایرو کنټرول د شمیرو له مخې د ۲۰۲۳ کال د جولای د لسمې او ۱۶ مو نيټو ترمنځه د استانبول هوايي ډګر په اوسط ډول سره د ورځې ۱۴۸۷ الوتنو سره د اروپا تر ټولو بوخت هوايي ډګر ټاکل شوی دی.

خبر تورک ورځپاڼې « ملي لامبو وهونکې ایلیز اوزبای د نړۍ اتله شوه » د سرلیک لاندې لیکلي دي ، د هیواد ملي لامبو وهونکې  ایلیز اوزبای په بلغاریا کې د ۲۳ کلنو نړیوال لامبو وهلو سیالیو کې د سرو زرو مډال په ګټلو سره د نړۍ اتله شو.