د تورکیې د ورځپاڼو سرټکي
د تورکیې د ورځپاڼو سرټکي
د خبرتورک ورځپاڼې "اردوغان : زموږ د لارې نقشه د سولې پر پڼسټ ده" د سرلیک لاندې لیکلي دي ، د تورکیې ولسمشر رجب طیب اردوغان ویلي دي چې د تورکیې او یونان د اړیکو په اړه د تورکیې د لارې نقشه د سولې په پربڼسټ ولاړه ده. اردوغان وویل "موږ غواړو چې د ایجین سمندر د سولې د سمندر په توګه نړۍ ته خپل پیغام واستوي."
حریت ورځپاڼې "اردوغان: د مذاکراتو د بیا پيلیدو لپاره لومړی باید شمالي قبرس تورکي جمهوریت په رسمیت وپیژندل شي " د سرلیک لاندې لیکلي دي ، د تورکیې ولسمشر اردوغان وویل چې د قبرس لرغونی او اړین عنصر تورکان په ټاپو کې هیڅکله هم اقلیت نه وو او نه دي. اردوغان وویل: "که چیرې د خبرو اترو میز ته راستنیدو خبره د بحث وړ وي، د دې لپاره باید د شمالي قبرس تورکي جمهوریت په رسمیت وپیژندل شي."
د وطن ورځپاڼې "تاتار لخوا په قبرس کې په مساوي حقونو ټینګار " د سرلیک لاندې لیکلي دي ، د شمالي قبرس تورکی جمهوریت ولسمشر ایرسین تاتار وویل چې ولسمشر اردوغان تل د شمالي قبرس تورکی جمهوریت ته پاملرنه کړې او دا خبره دوې ته ځواک ورکوي. تاتار په دې خبرې سره چې په قبرس کې دوه جلا قومونه شتون لري، وویل "یوازې د خبرو اترو وضعیت په ټاپو کې د حاکمیت مساوات او د مساوي موقف منلو پر بنسټ ترسره کیدی شي."
ینی شفق ورځپاڼې "د جرمني د رسنیو لخوا د ولسمشر اردوغان ستاینه " د سرلیک لاندې لیکلي دي ، د جرمني په دولتي چینل کې د ولسمشر اردوغان د مشرۍ په اړه خبرې وشوې. د ZDF تلویزیون مدیر مارکوس لانز وویل چې د تورکیې وسله وال بې پیلوټه الوتکې هرچیرې الوتنې کوي . په سوریه، عراق، لیبیا، اذربایجان او اوکراین کې هرچیرې د تورکیې بې پیلوته الوتکې الوتنې کوي. په بل عبارت، اردوغان په هر ځای کې ښکیل دی.
د سټار ورځپاڼې "تورکیه د سیمې واکمن شوی" د سرلیک لاندې لیکلي دي ،
د امریکا د بریکنګ ډیفنس ویب پاڼې په حواله لیکلي دي چې تورکیه په جنوب ختیځه اسیا کې د امریکا د دفاعي صنایعو تر ټولو ستر مقام د نیولو په حال کې دی. په مقاله کې ټینګار شوی چې تورکیه هغه هیواد و چې په مالیزیا کې د لیما ۲۰۲۳ دفاعي نندارتون کې یې خورا ډیر پام ځانته راجلب کړ.
