د تورکیې د ورځپاڼنو سرتکي
د تورکیې د ورځپاڼنو سرتکي
![د تورکیې د ورځپاڼنو سرتکي](http://cdn.trt.net.tr/images/xlarge/rectangle/1603/b899/caf2/615a9f0083fbc.jpg?time=1719279626)
حریت ورځپاڼې " ولسمشر اردوغان: مونږ د اټومي قدرت لرونکو هیوادونو په کتار کې داخل شو " د سرلیک لاندې لیکلي دي ، د تورکیې ولسمشر رجب طیب اردوغان پرون د اق قویو اټومي بټۍ د لومړي اټومي تیلو د وړاندې کولو په مراسمو کې د ویدیو کنفرانس له لارې ګډون وکړ. ولسمشر اردوغان په خپله وینا کې وویل چې تورکیه د اتومي قدرت لرونکو هیوادونو په کتار کې داخله شوه.
د صباح ورځپاڼې " پوتین: تورکیه به اوس د اټومي انرژۍ لرونکی هیواد وي"د سرلیک لاندې لیکلي دي ، د روسیې ولسمشر ولادیمیر پوتین پرون د اق قویو په اټومي بټۍ کې د لومړي ځل لپاره د اتومي سونګ موادو د وړاندې کولو په مراسمو کې په خپله وینا کې وویل چې تورکیه به اوس په نړۍ کې یو له ټیټې بیې منابعو څخه د اتومي انرژۍ لرونکی هیواد شي.
وطن ورځپاڼې " وزیر ډونمز: هدف سینوپ او تراکیا " د سرلیک لاندې لیکلي دي ، د تورکیې د انرژی او طبیعی زیرمو وزیر فاتح ډونمز، پرون په مرسین کې د اق قویو اټومي انرژۍ بټۍ د مراسمو وروسته په خپله وینا کې، د راتلونکو اټومي انرژۍ بټیو په اړه اشاره وکړه. هغه وویل چې راتلوونکې بټۍ به په سینوپ او تراکیا کې جوړې شي.
سټار ورځپاڼې " یونان ته د تورکیې د دفاع د وزیر ښکاره پیغام " د سرلیک لاندې لیکلي دي ، د تورکیې د ملي دفاع وزیر خلوصي اکار پرون په خپله وینا کې وویل چې دوی د قانون په چوکاټ کې له یونان سره د ستونزو په حل کې صادق او جدي دي او ویلي یې دي چې د ایجین سمندر باید د دوستۍ او سولې سمندر وي. شتمني باید په عادلانه توګه وویشل شي."
یینی شفق ورځپاڼې " د تورکیې ملکي هوايي چلند شرکت ترکش ایرلاینز د APEX څخه دوه جایزې ترلاسه کړې " د سرلیک لاندې لیکلي دي ، د تورکیې ملکي هوايي چلند شرکت ترکش ایرلاینز د ایرلاینونو د مسافرینونو د تجربې ټولنې (APEX) لخوا د نړۍ یو له معتبر او درناوي سازمانونو څخه شمیرل کیږي د غوره خدماتو معیار سره د اروپا د "غوره تفریح" او د اروپا د "غوره خواړه او څښاک" جایزې ورکړل شوې .4
ترکش ایرلاینز پدې ډول دوه غبرګې جایزې ترلاسه کړې.