د تورکیې د ورځپاڼو سرټکي
د تورکیې د ورځپاڼو سرټکي
![د تورکیې د ورځپاڼو سرټکي](http://cdn.trt.net.tr/images/xlarge/rectangle/d191/f723/495f/637f3e8870ef4.jpg?time=1718880423)
د سټار ورځپاڼې " د تورکیې لخوا د مصر په اړه څرګندونې " د سرلیک لاندې لیکلي دي ، د تورکیې د بهرنیو چارو وزیر مولود چاووش اوغلو تیره ورځ د مصر د بهرنیو چارو وزیر سامح شکري سره په ګډه خبري غونډه کې وویل، "موږ غواړو د مصر سره پرانیستې نوې پاڼه د ګډو پروژو او بریالیتوب کیسې سره ډکه کړوسره ."
وطن ورځپاڼې " وزیر ورانک: موږ به هر څه ژر د اروپا په کوڅو کې د توګ لیدل پیل کړو " د سرلیک لاندې لیکلي دي ، د تورکیې د صنعت او ټکنالوژۍ وزیر مصطفی ورنک پرون په یوه بیان کې وویل، " د تورکیې کورنی موټر توګ یوه پروژه ده چې ټولې نړۍ ته د تورکیې وړتیاوې منعکسوي. موږ به د اروپا په سړکونو کې هم د توګ لیدل پیل کړو.
د خبر تورک ورځپاڼې " د فصل لومړی کروز ستره کښتۍ د ۴۵۰ تنو مسافرینو سره مارماریس ته ورسیده " د سرلیک لاندې لیکلي دي ، د بهاماس بیرغ لرونکې لوکس کروز کښتۍ "سلور اسپریټ" د موغلا ولایت د مارماریس ولسوالۍ ته ورسیده. ویل شوي، چې په دې کښتۍ کې ۴۵۰ مسافر او ۴۰۰ کارکوونکي سپاره وو، چې ډېری یې د امریکا او برتانیا اتباع دي.
صباح ورځپاڼې " د تورکیې د تیارو جامو او نساجۍ صادرات ۵.۲ میلیارده ډالرو ته ورسېدل " د سرلیک لاندې لیکلي دي د تیارو جام او نساجۍ د صنعت صادرات د روان کال په لومړۍ ربع کې د پنځه عشاریه دوه میلیارد ډالرو څخه واوښتل.
د حریت ورځپاڼې "د بیشکتاش او اتلیټیکو ماډریډ دوستانه لوبه په اسپانوي رسنیو کې پراخه پوښښ موندلی " د سرلیک لاندې لیکلي دي ، تیره ورځ د تورکیې د بیشکتاش او اسپانیا د اتلیټیکو ماډریډ کلبونو ترمینځ ترسره شوه دوستانه لوبې ټول عاید زلزله ځپلو ته ورکړ شول. همداشان دې لوبې په اسپانوي رسنیو کې پراخه پوښښ پيدا کړ. د هیواد ځینو ورځپاڼو په خپلو خبرونو کې "د زلزله ځپلو لپاره جوړ شوی دا پروګرام د ستاینې وړ وه"، "دا د فوټبال لپاره دی"، "د بیشکتاش او اتلیټیکو لوی پیوستون" عبارتونه کارولي.