د تورکیې د ورځپاڼو سرټکي
د تورکیې د ورځپاڼو سرټکي
د سټار ورځپاڼې "د اردوغان د تورکیې د نوې سپوږمه کۍ د عکس نشرول" د سرلیک لاندې لیکلي دي، د تورکیې ولسمشر رجب طیب اردوغان وویل چې ، لومړنۍ لوړ ریزولوشن سپوږمکۍ İMECE چې د کورنیو او ملي سرچینو سره تولید شوې، د اپریل په ۱۱ به د فضا په لور وتوغول شي.
د حریت ورځپاڼې " د تورکیې د انرژۍ وزیر د تورې بحیرې ګازو په اړه نیټه اعلان کړ " د سرلیک لاندې لیکلي دي ،تورکيې د تور سمندرګي د ګازو لپاره معکوس شمېرنه پيل شوه . امریکا میشتې د بلومبرګ ورځپاڼې د تورکیې د انرژۍ او طبعي زیرمو وزیر فاتح دونمز هغه څرګندونې چې د تور سمندرګي ګاز به د مې په میاشت کې زموږ تر کورونو راورسیږي د خپلو لوستونکو سره شریکې کړي دي. یادې شوې ورځپاڼې
تورکیې په تور سمندرګي کې کشف کړي ګاز د مې د میاشتې پورې خپلو کورونو ته د رسولو هدف ټاکلی دی د سرلیک لاندې خبر خپور کړی دی.
د ینې شفق ورځپاڼې "د موټرو په صادراتو کې تاریخي ریکارډ" د سرلیک لاندې لیکلي دي ،د تورکیې د موټرو سکتور د مارچ په میاشت کې تاریخي ریکارډ مات کړ او د ۲۲ عشاریه ۸ سلنې په زیاتوالي سره یې د ۳ عشاریه ۳ میلیارد ډالرو صادرات ترسره کړل.
د خبرتورک ورځپاڼې "د زراعتي صادراتو ریکارډ" د سرلیک لاندې لیکلي دي
د کرنې سکتور د ۸ میلیارد ۶۲۶ میلیون ډالرو صادراتو سره د ټولو وختونو په لومړۍ ربع کې ترټولو لوړ صادراتو ته رسیدلی.
صباح ورځپاڼې "وزیر ایرسوی: موږ هغه هیواد یو چې په نړۍ کې له امریکا وروسته تر ټولو ډیر فلمونه صادرو" د سرلیک لاندې لیکلي دي ، د تورکیې د کلتور او ګرځندوی وزیر محمد نوری ایرسوی ( مانو په چناق قلعه کې ) په نامه د انیمشین فلم په معرفي غونډه کې په خپله وینا کې وویل چې"زموږ هیواد د فلم صنعت کې خورا پرمختللی دی. موږ هغه هیواد یو چې په نړۍ کې د امریکا نه وروسته تر ټولو ډیر فلمونه صادروي.
