د تورکیې د ورځپاڼو سرټکي
د تورکیې د ورځپاڼو سرټکي
![د تورکیې د ورځپاڼو سرټکي](http://cdn.trt.net.tr/images/xlarge/rectangle/f259/92c5/f37c/5bf7999845b23.jpg?time=1719018532)
خبرتورک ورځپاڼې " د اردوغان لخوا په یو کال کې د ۶۵۰ زره کورونو د جوړولو ژمنه " د سرلیک لاندې لیکلي دي ،د تورکیې ولسمشر رجب طیب اردوغان وویل چې دوی د یو کال په موده کې د فبرورۍ د شپږمې نیټې په زلزله کې ویجاړ شوو ښارونه د بیار جوړونې ژمنه کړې او ویلي یې دي چې په پلان کې لري چې ۶۵۰ زره کورونه جوړ کړي او ګټې اخیستنې ته یې وسپاري. اردوغان وویل: "موږ په تیرو ۲۰ کلونو کې د ۱ میلیون ۱۸۰ زره ډله ایزو کورونو پروژې سرته رسولي او د ښاري بدلون ۳ عشاریه درې میلیونه پروژې چې موږ سرته رسولي دا تضمین دي چې موږ به خپلې ژمنې پر ځای کړو."
حریت ورځپاڼې "له اردوغان څخه فنلنډ ته ښه او مثبت پيغام " د سرلیک لاندې لیکلي دي ، فنلینډ او سویډن چې په ناټو کې د غړیتوب لپاره د تورکیې تصویب ته انتظار دي سترګې یې د انقرې تصویب ته اوښتي دي. تورکیې د سویډن برعکس، د فنلینډ لپاره شین څراغ لګولی . تورکیې ویلي دي چې فیلینډ تر ډیره حده د تورکیې غوښتنو ته ځواب ورکړی دی. ولسمشر اردوغان په ناټو کې د فنلیند د غړیتوب په اړه وویل: «موږ به هغه ژمنه عملي کړو چې د جمعې په ورځ مو کړې وه.
د ینې شفق ورځپاڼې " د د فنلینډ په اړه د ولسمشر اردوغان وینا په نړیوالو رسنیو کې د پام وړ انعکاس موندلی " د سرلیک لاندې لیکلي دي ،
ولسمشر اردوغان په ناټو کې د فنلینډ د غړیتوب په اړه وینا وکړه او وویل چې «موږ به خپل مسئولیت ادا کړو، د جمعې په ورځ به خپله ژمنه پوره کړو. همداشان په نړۍوالو رسنیو کې ویل شوي دي چې سویډن د ناټو د غړیتوب نه بهر پاتې شو. فنلینډ د تورکیې منظوري ترلاسه کړه.
سټار ورځپاڼې "ترکمنستان د هایدروکاربن شتمني ویشلو ته چمتو دی" سرلیک لاندې لیکلي دي ، د ترکمنستان د ملي مصلحت رئیس قربانقلي بردي محمدوف په وینا، تورکیه لومړنی هېواد و چې ترکمنستان یې په رسمیت وپېژانده، د ترکمنستان ملي مصلحت رئیس قربانقلي بردي محمدوف وویل چې دوی غواړي د هېواد د هایدروکاربن شتمني له تورکيې کورنۍ سره شریکه کړي.
وطن ورځپاڼې "ټوګ موټر لارو او سړکانو ته راووت " د سرلیک لاندې لیکلي دي
د بورسا په ګملیک ولسوالۍ کې تولید شوی ، د تورکیې لومړی بریښنایی سمارټ موټر، توګ ، د مختلف رنګونو موټرو سره په امتحاني مزل پيل وکړ. هغه وسایط چې د بورسا په واټونو او کوڅو کې ازمایل شوي د ښاریانو لخوا هم ستایل شوي.