د تورکیې د ورځپاڼو سرټکي
د تورکیې د ورځپاڼو سرټکي
![د تورکیې د ورځپاڼو سرټکي](http://cdn.trt.net.tr/images/xlarge/rectangle/f259/92c5/f37c/5bf7999845b23.jpg?time=1719083244)
حریت ورځپاڼې " د ۲۰۰ زره نویو کورونو لپاره چمتووالی " د سرلیک لاندې لیکلي دي،
د چاپېریال ښارجوړونې او اقلیم د بدلون وزیر مرات کوروم ویلي چې د فبروري د شپږمې د زلزلې له امله ۱۶۴۳۲۱ ودانۍ سخت زیانمنې شوې دي. وزیر کورم په ټینګار سره وویل چې د یو کال په موده کې به دایمي استوګنځایونه جوړ شي، "موږ د خپلو ساینس پوهانو سره په ۲۰۰ زره نوو کورونو په پروژو کار کوو."
د سټار ورځپاڼې "د زلزلې په سیمو کې کانټینرونو کمپ جوړیږي" د سرلیک لاندې لیکلي دي ،د ناورین او بیړنیو حالاتو د ریاست راپور ورکړی چې په قهرمان ماراش او هتای کې د زلزلې ځپلو ولایتونو کې د ۳۲۹ زره ۳۸۲ خیمو نصبولو کار بشپړ شوی. په لومړي پړاو کې په سیمه کې د ۱۰۰ زره کانتینرونو د ځای په ځای کولو کار پیل شوی دی.
خبر تورک ورځپاڼې "د کیټ وینسلیټ څخه د مرستې غوښتنه کول" د سرلیک لاندې لیکلي دي ،د آسکار جایزې ګټونکې برتانوي اداکارې کیټ ونسلېټ د قهرمانماراش له ویجاړونکې زلزلې وروسته چې ۱۱ ولایتونه یې اغیزمن کړي د زلزله ځپلو لپاره د مرستې راټولو اقدام وکړ. مشهور برتانوي اداکارې د خپل ټولنیز رسنیو پاڼو له لارې له خپلو مینه والو څخه د زلزله ځپلو لپاره د مرستې غوښتنه وکړه. وینسلیټ د بسپنې غوښتنه وکړه او ویې ویل: "هرڅومره چې تاسو کولی شئ هغه ورکړئ".
ینی شفق ورځپاڼې "د سپورت ټولنه د زلزله ځپلو لپاره یو زړه او یو موټی شوه" د سرلیک لاندې لیکلي دي ،د سپورټ ټولنه، چې د ځوانانو او سپورت وزارت، د تورکیې د فوټبال فدراسیون او د کلبونو د ټولنې تر مشرۍ لاندې به د زلزله ځپلو لپاره د مرستې راټولو ګډ کمپاین ترسره کړي. د بسپنه ورکولو کمپاین، چې د چهارشنبې په ورځ به د مارچ په لومړۍ نیټه پیل شي، په ګډه به د سپورتي چینلونو څخه خپور شي.
صباح ورځپاڼې " زلزله پر اقتصاد دایمي اغېز نه لري" د سرلیک لاندې لیکلي دي
د تورکیې جمهوریت مرکزي بانک بانکي سود کچه ۹ سلنې څخه ۸ نیم سلنې ته راټیټ کړ. مرکزي بانک د سود نرخونو د راټیټولو نه وروسته وړاندوینه یې وکړه چې په تورکیه کې زلزله چې د پیړۍ ناورین په توګه یادیږي په اقتصاد دوامداره اغیزه ونلري.