د تورکیې د ورځپاڼو سرټکي
د تورکیې د ورځپاڼو سرټکي
![د تورکیې د ورځپاڼو سرټکي](http://cdn.trt.net.tr/images/xlarge/rectangle/f259/92c5/f37c/5bf7999845b23.jpg?time=1718774817)
د تورکیې د ورځپاڼو سرټکي
وطن ورځپاڼې "امید يي د لاسه نه وو ورکړی " د سرلیک لاندې لیکلي دي،
په تورکیه کې د زلزلې نه پوره ۱۲ ورځې وروسته د هاتای ولایت په مرکز انتاکیا ولسوالۍ کې د چپه شوې یوې ودانۍ د لاندې نه ۲۶ کلن محمد علي شاکراوغلو او ۳۴ کلن مصطفې ژوندي وژغورل شول. نوموړي ۱۲ ورځې وروسته د خاورو لاندې نه ژوندي راوایستل شوه. نوموړو وویل چې ۱۲ ورځې د خاورې لاندې وو خو امید يي د لاسه نه وو ورکړی.
د سټار ورځپاڼې "نړۍ د الینا په اړه خبرې کوي" د سرلیک لاندې لیکلي دي
د ۱۷ کلنې الینا روغتیايي وضعیت چې په قهرمانماراش ولایت کې له زلزلې ۱۱ ورځې وروسته د لټون او ژغورنې ډلو له خوا له خاورو را ایستل شوې وه، ډاکټران یې حیران کړل. د بريتانيا ډيلي مېل ورځپاڼې له ٢٤٨ ساعتونو وروسته له خاورو لاندې د ځوانې نجلۍ د ايستلو خبر خپلو لوستونکو ته سره شریک کړ .
د خبرتورک ورځپاڼې " د ناټو مشر د تورکیې نه د ملاتړ د ښودولو په خاطر د زلزله ځپلو سیمو نه لیدنه وکړه " د سرلیک لاندې لیکلي دي ، په تورکیه کې د وروستۍ پیړۍ تر ټولو د سترې زلزلې چې د پيړۍ د ناورین په توګه یاده شوې ده وروسته
د ناټو سازمان عمومي منشي ینس سټولټنبرګ ترکیې ته راغی. سټولټنبرګ د بهرنیو چارو له وزیر مولود چاووش اوغلو سره د لیدنې نه وروسته وویل، دا تر ټولو لوی ناورین دی چې د ناټو په خاوره کې رامنځ ته شوی دی. سټولټنبرګ وویل، د ناټو متحدین به د تورکیې نه ملاتړ ته دوام ورکړي.
د صباح ورځپاڼې "ناټو یو کانټینر کمپ جوړوي" د سرلیک لاندې لیکلي دي،
د تورکیې د بهرنیو چارو وزیر چاووش اوغلو د ناټو له عمومي منشي ینس سټولټنبرګ سره د بهرنیو چارو په وزارت کې تر لیدنې وروسته په ګډه خبري غونډه کې وویل چې ناټو به د زلزله ځپلو لپاره یو د کانټیرونو کمپ جوړ کړي. چاووش اوغلو د ناټو د مشر سره په ګډه خبري غونډه کې وویل چې ناټو سازمان په تورکیه کې د ۳۰۰۰ زرو تنو زلزله ځپلو لپاره د سرپناه د برابرولو ژمنه کړې ده. تورکیه به د کانټینرونو او خیمو کمپ جوړ کړي.
حریت ورځپاڼې "چاووش اوغلو: موږ د ناټو سازمان د پراخولو ملاتړ کوو" د سرلیک لاندې لیکلي دي ،
د تورکیې د بهرنیو چارو وزیر چاووش اوغلو په ناټو کې د فنلینډ او سویډن د غړیتوب د پروسې په اړه وویل، "موږ د ناټو سازمان د لویدوالي ملاتړ کوو ، خو داسې ګامونه شته چې دواړه هېوادونه او په ځانګړې توګه سویډن يي باید پورته کړي." چاووش اوغلو په سویډن کې د قرآن کریم سوځولو د تحریک امیزه ګام او د بېلتون غوښتونکي ترهګرې ډلې PKK/YPG د ملاتړو کړنو ته په اشارې سره وویل: دا په هیڅ صورت د منلو وړ ندي.