د تورکیې د ورځپاڼو سرټکي
د تورکیې د ورځپاڼو سرټکي
![د تورکیې د ورځپاڼو سرټکي](http://cdn.trt.net.tr/images/xlarge/rectangle/d191/f723/495f/637f3e8870ef4.jpg?time=1719078911)
د تورکیې د ورځپاڼو سرټکي
حریت ورځپاڼې "اردوغان له مشرانو سره د ټيلیفوني خبرو نه وروسته ، د اوربند پرېکړه وشوه" د سرلیک لاندې لیکلي دي ، وروسته له هغه چې ولسمشر رجب طیب اردوغان پرون د روسیې او اوکراین له مشرانو ولادیمیر پوتین او ولادیمیر زیلینسکي سره ټيلیفوني خبرې وکړې، د کرملین له خوا د لنډ مهاله اوربند اعلامیه خپره شوه. په بیان کې ویل شوي چې روسیه به د جنورۍ په شپږمه او اوومه په اوکراین کې یو پلوه اوربند وکړي.
د سټار ورځپاڼې "له ۱۱ کلونو وروسته له دمشق سره په لوړه کچه اړیکه" د سرلیک لاندې لیکلي دي ، د تورکیې ولسمشر رجب طيب اردوغان د سوريې سره د اړیکو د عادي کېدو د بهير په اړه وويل: "مونږ د روسيې-توركيې-سوريې په څېر يوه پروسه پيل كړې، ددې پروسې په چوکاټ کې به لومړی زمونږ د بهرنيو چارو سره غونډه وکړي او بيا وضعیت ته په کتو سره به د مشرانو ترمنځه غونډه وشي.
د خبرتورک ورځپاڼې " د تورکیې پوځ په نړۍ کې ۱۱م ترټولو پیاوړی پوځ دی" د سرلیک لاندې لیکلي دي ،ګلوبل فایر پاور ویب پاڼه چې په امریکا کې میشته د نړیوال نظامي ځواک ډیټا تحلیلوي د ۱۴۵ هیوادونو پوځ د ټکنالوژۍ له پلوه د ودې او پرمختګ، بشري ځواک، د جګړې په ډګر کې د اوږد مقامت او قابلیت په څیر د ځانګړتیاو د څیړولو سره د ۲۰۲۳ کال لپاره د نړۍ تر ټولو د پیاوړو پوځونو لیست خپور . تورکیې په ۲۰۲۳ کال کې هم پدې لست کې خپل ځای حفظ کړی او د نړۍ ۱۱ م تر ټولو پیاوړي پوځ په توګه ځای نیولی دی.
د ینې شفق ورځپاڼې" دوو ولایتوتو په یو کال کې د له ۱۶ میلیون څخه ډیر سیلانیانو کوربه توب کړی " د سرلیک لاندې لیکلي دي ، تېر کال شاوخوا ۱۳،۵ میلیونه بهرني سیلانیان انتالیا ولایت ته، چې د تورکیې یو له مهمو سیاحتي مرکزونو څخه دی او شاوخوا ۳ میلیونه تنه هم موغلا ولایت د هوا له لارې راغلي وو.
صباح ورځپانې " قره اسماعیل اوغلو: په ۲۰۲۲ کال کې د کروز لوکسو کښتیو سره د راغلو مسافرینو شمیر له ۱ ملیون څخه اوښتی دی" د سرلیک لاندې لیکلي دي
د تورکیې د ترانسپورت او زیربنا وزیر عادل قره اسماعیل اوغلو وویل چې د کروز لوکسو کښتیو سره د راغلو سیلانیانو شمیر په ۲۰۲۲ کې ۲۲ برابره لوړ شوی او د یو میلیون تنو سره اوښتی دی.