د تورکیې د ورځپاڼو سرټکي
د تورکیې د ورځپاڼو سرټکي
![د تورکیې د ورځپاڼو سرټکي](http://cdn.trt.net.tr/images/xlarge/rectangle/f259/92c5/f37c/5bf7999845b23.jpg?time=1719048524)
حریت ورځپاڼې "اردوغان: مونږ پوره هوډ لرو چې خپل هیواد ډیرې لوړې مرتبې ته ورسو" د سرلیک لاندې لیکلي دي ، د تورکیې ولسمشر رجب طیب اردوغان وویل چې په نړۍ کې هر بحران تورکیه نوره هم پیاوړې کوي. "مونږ هیواد چې د سیاسي ، ډیپلوسۍ او امنیتي برخو سربیره د پانګونې، کارموندنې او صادراتو سره وده کړې، هوډ لرو چې تورکیه د پیړۍ تر ټولو لوړې مرتبې ته يي ورسو."
د خبر تورک ورځپاڼې "چاووش اوغلو، په سویډن کې هیڅ ډول پرمختګ شتون نلري"
د سرلیک لاندې لیکلي دي ، د تورکیې د بهرنیو چارو وزیر مولود چاووش اوغلو وویل، د سویډن له لوري چې د تورکیې له خوا په ناټو کې د غړیتوب د منظورۍ په تمه دي، د ترهګرۍ پر خلاف د مبارزې ، د ترهګرو د استرداد او پدې هیواد کې د ترهګرو د شتمنیو د کنګلولو په څیر د کړو ژمنو په برخه کې کوم ګام ندی اوچت کړی. ددې سربیره د تورکيې دفاعي صنایع چې د سویډن نه د ځینو توکو د واردولو په خاطر وړاندیز کړی دی خو تر اوسه پورې کوم مثبت ځواب ندی ترلاسه کړی.
یني شفق ورځپاڼې "تورکیه د طبیعي ګازو په مرکز بدلیږي"د سرلیک لاندې لیکلي دي،
د تورکیې د عدالت او پراختیا ګوند ویاند عمر چلیک وویل چې د اوکراین او روسیې جګړه د غلې دانې او انرژۍ د بحران لامل شوې او پیاوړې ډیپلوماسۍ تورکیه یو مهم مقام ته رسولې دی. هغه د دې خبرې په ټینګار سره وویل چې تورکیې د غلې دانې بحران حل کړی دی، د انرژۍ په برخه کې به تورکیه د توزیع په مرکز بدل شي.
د سټار ورځپاڼې "له تورکیې څخه د تیلو حمله " د سرلیک لاندې لیکلي دي ،
د انرژۍ او طبیعي زیرمو وزیر فاتح دونمز د تیلو وروستیو موندنو ته په اشارې سره وویل، زمونږ د نفتو کورني تولید ۸۰ زره بېرلو ته رسیدلی دی. زمونږ د جمهوریت په سل کلنۍ (۲۰۲۳) کې به زمونږ تولید د ورځې د ۱۰۰ زره بېرلو ته لوړ شي.
د صباح ورځپاڼې "د مرکزي بانک زیرمې د ۸ کلونو تر ټولو په لوړه کچه" د سرلیک لاندې لیکلي دي ، د تورکیې د جمهوریت د مرکزي بانک ټولې زیرمې د تیرې اونۍ په پرتله د دسمبر په ۱۶ نیټه په اونۍ کې ۷۴۷ میلیون ډالر زیات شوي او د ۱۲۹ میلیارد ۵۱۱ میلیون ډالرو ته د لوړیدو سره د ۲۰۱۵ کال د جنوري راهیسې ترټولو لوړې کچې ته رسیدلي.