د تورکیې د ورځپاڼو سرټکي
د تورکیې د ورځپاڼو سرټکي
![د تورکیې د ورځپاڼو سرټکي](http://cdn.trt.net.tr/images/xlarge/rectangle/1603/b899/caf2/615a9f0083fbc.jpg?time=1718768934)
د تورکیې د ورځپاڼو سرټکي
د ینې شفق ورځپاڼې "د اکار لخوا د فلسطین پر مسئلې ټینګار" د سرلیک لاندې لیکلي دي ، د تورکيې د ملي دفاع وزیر خلوصي اکار د اسرائیلو له دفاع وزیر بنیامین ګانټز سره چې تورکیې ته په رسمي سفر راغلی وکتل.
اکار د خپل اسرائیلي سیال سره د لیدنې په اړه وویل چې ، "مونږ خپل حساسیتونه څرګند کړل. زمونږ ترمنځه د همکارۍ او ډیالوګ ډیریدل به د هغو مسلو د حل سره مرسته وکړي چې په اړه يي اختلاف شتون لري ، په ځانګړې توګه د فلسطین په اړه اختلافاتو سره."
د سټار ورځپاڼې " پولنډ لخوا د بایرقدار د ویدیو شریکول" د سرلیک لاندې لیکلي دي
د پولنډ د دفاع وزیر ماریوس بلاسزاک په خپل ټویټر پاڼه کې د تورکیې په وسلو سمبال بې پیلوټه الوتکې Bayraktar TB2 ویډیو شریکه کړې .د پولنډ د دفاع وزیر نشر کړې ویدیو لاندې یو لنډ پیغام هم خپور کړی دی. هغه پدې پيغام کې د پولنډ خلکو ته لیکلي وو چې بیرقدار راروانې دي. د پولنډ د دفاع وزارت د بلاسزاک پوسټ ته اشاره وکړه او په ځواب کې ورته لیکلي دي چې د لیدو په هیله . د ویلو ده چې پولنډ د تورکیې څخه بیرقدار ټي بي ۲ ډرون الوتکې پیرودلي دي.
حریت ورځپاڼې "د ګازپروم د مشر لخوا د تورکیې په اړه پیغام" د سرلیک لاندې لیکلي دي ، د روسیې د ګازو د دولتي شرکت ګازپروم د مدیره هیئت مشر ویکتور زوبکوف وویل چې په تورکیه کې د طبیعي ګازو د مرکز د جوړولو پلان د روسیې او تورکیې په څیر د اذربایجان او اروپا په ګټه هم دی.
د خبر تورک ورځپاڼې "تورکیې په ۹ میاشتو کې د ۴۰ میلیون ۲۴۶ زره ۸۹۹ تنو سیلانیانو کوربه توب کړی " د سرلیک لاندې لیکلي دي ، تورکیې د روان کال په ۹ میاشتو کې د ۴۰ میلیونو ۲۴۶ زره ۸۹۹ سیلانیانو کوربه توب کړی چې د ګرځندوی ټول عاید ۳۵ میلیارده ۲۸ میلیونه ۵۴۰ زره ډالرو ته لوړ شوي دي.
صباح ورځپاڼې "ترکش ایرلاینز یو ځل بیا د نړیوال معیار جایزه وګټله" د سرلیک لاندې لیکلي دي ، د تورکیې د ملکي هوايي چلند شرکت ترکش ایرلاینز د 2023 APEX رسمي هوایی هوايي شرکتونو په درجه بندي کې دوه جایزې ترلاسه کړې. ترکش ایرلاینز یو ځل بیا ورلډ کلاس جایزه وګټله . ترکش ایرلاینز د ۵ ستورو نړیوال هوایی شرکتونو په منځ کې د APEX ترټولو لوړه جایزه یو ځل بیا وګټله.