د تورکیې د ورځپاڼو سرتکي
د تورکیې د ورځپاڼو سرتکي
![د تورکیې د ورځپاڼو سرتکي](http://cdn.trt.net.tr/images/xlarge/rectangle/8626/af5f/178a/620f78ccda784.jpg?time=1719165738)
د تورکیې د ورځپاڼو سرتکي
حریت ورځپاڼې "اردوغان: له اسرائیلو سره په اړیکو کې اوچت شوي ګامونه به د فلسطینیانو نه زمونږ ملاتړ کم نه کړي" د سرلیک لاندې لیکلي دي،
د تورکیې ولسمشر رجب طیب اردوغان دا څرګندونې پرون د فلسطین له ولسمشر محمود عباس سره په ګډه خبري غونډه کې وکړې. اردوغان وویل: "له اسرائیلو سره زمونږ په اړیکو کې اوچت شوي ګامونه به په هیڅ صورت کې د فلسطین د مسئلې لپاره زمونږ ملاتړ کم نه کړي."
یني شفق ورځپاڼې " یونان لخوا د تورکیې F-16 الوتکو ځورول او د تورکیې لخوا اړین ځواب " د سرلیک لاندې لیکلي دي،
د تورکیې د ملي دفاع وزارت سرچینو اعلان کړی چې د تورکیې اف ۱۶ الوتکې په ختیځه مدیترانه کې د ناټو د فعالیتونو په چوکاټ کې د یونان F-16 الوتکو لخوا د رادار په بندولو سره ځورول شوي دي. تورکیې اف ۱۶ الوتکو سمدلاسه یونان ته لازم ځواب په ورکولو سره سخت غبرګون ښودلی دی. د تورکیې د غبرګون نه وروسته یوناني الوتکې د سیمې نه وتښتیدې.
د صباح ورځپاڼې "اکار د آسټین سره ولیدل" د سرلیک لاندې لیکلي دي،
د تورکیې د ملي دفاع وزیر خلوصي اکار پرون د امریکا متحده ایالتونو د دفاع وزیر لویډ جیمز آسټین سره تیلیفوني خبرې وکړې. د خبرو په مهال په دفاعي او امنيتي مسايلو په تېره بيا د اوكراين د پرمختګونو، د ترهګرۍ په ضد د مبارزې او تورکیې لخوا د امریکا نه د F-16 جنګي الوتكو د پیریدو او عصري کولو په مسئلو خبرې او تبادل د نظر وکړ.
خبر ترک ورځپاڼې "روسل کرو: د رخصتۍ لپاره تورکيې ته ترجیح ورکړۍ" د سرلیک لاندې لیکلي دي، د نړۍ نامتو سینمايي لوبغاړي روسل کرو چې د اوسکار جایزه يي هم ګټلې ده د خپل ټویټر پاڼې له لارې په خپلو مینه والو د رخصتۍ لپاره تورکیې ته ترجیح ورکړۍ غږ کړی دی. هغه د تورکیې ډیره زیاته ستاینه کړې او ویلي دي چې یو ډیر جادويي او ښکلی هیواد دی. هغه ویلي دي که چیرې تورکیې ته مو سفر کړی نوي د لیدو وړ په واقعیت سره چې ښکلی هیواد دی.
سټار ورځپاڼې "انګریزانو ترکیه غوره کړه" د سرلیک لاندې لیکلي دي،
تورکیه د ګرځندوی په برخه کې نوي ریکارډونه ماتوي. د کولتور او ګرځندوی وزارت لخوا د اعلان شوي معلوماتو له مخې ، تورکیې ته د برتانوي سیلانیانو شمیر د تیر کال په پرتله ۲۱ سلنه ډیر شوی او له ۱ میلیون ۸۱۰ زرو څخه ډیر شوی.