د ترکیې د ورځپاڼو سرټکي
د ترکیې د ورځپاڼو سرټکي
وطن ورځپاڼې "اردوغان: زموږ د بیت المقدس په اړه زمونږ دعوا جلا ځای لري" د سرلیک لاندې په خبر کې د ولسمشر اردوغان څرګندونو ته ځای ورکړی دی.
په خبر کې د ولسمشر رجب طیب اردوغان له قوله ویل شوي چې په بیت المقدس کې پر مسجد اقصی باندې د اسراییلو بریدونو یو ځل بیا زمونږ زړونه مات کړل او ویې ویل: مونږ تل د اسراییلو هر چارواکي سره په لیدنه کې هغوې ته د بیت المقدس د حیثیت او محرمیت په اړه د ترکیې د حساسیت نه یادونه کړې ده . ددې ترڅنګ په هر فرصت او هر پلاټ فورم کې نړۍوالې ټولنې ته د فلسطین د مسئلې په اړه خبرداری ورکړی او پدې اړه مو خپل غږ اوچت کړی دی. په هر فرصت کې مو د نړۍوال ټولنې پام په فلسطین کې روانو بې عدالیتو ته رااړولی دی.
سټار ورځپاڼې "اردوغان: وخت وي او که ناوخته خو خامخا به د ترهګري سازمان سر وځپو" د سرلیک لاندې په عراق کې د ترهګرۍ پر ضد روانو د ترکیې د پوځي عملیاتو په اړه د ولسمشر اردوغان وینا ته په خبر کې ځای ورکړی دی.
ولسمشر اردوغان د عراق په شمال کې د پنجې قفل عملیاتو په اړه وویل " ترهګریز سازمانونه نور د هیواد په دننه کې د فعالیت کولو توان نه نلري. د هیواد دننه مو ترهګر د فعالیت کولو نه غورځولي دي. هغه وویل د سوریې په شمال کې هم ترهګر چې د ځالو د جوړولو او د خپلو شومو پلانونو په خاطر د سیمې د خلکو د قرباني کولو پلان لري هر څه ژر سخت ګوزار ورکړو. هیڅوک باید پدې کې شک ونکړي چې ډیر ژر یا وروسته به مونږ د ترهګرو چې د بې ګناه او ملکي وګړو قرباني کولو پلان لري سروه وځپو .
خبرترک ورځپاڼې "د اوکراین مذاکره کوونکی پودولیک: ترکیه د منځګړی په توګه یو مهم اکټور دی" د سرلیک لاندې خبر خپور کړی دی.
د اوکراین مذاکره کوونکی میخایل پو دولیک د دې خبرې په ټینګار وویل چې ترکیه د منځګړی په توګه یو مهم اکټور هیواد دی . ترکیې په ریښتیا هم یو مهم مسوولیت په غاړه اخیستی دی، موږ غواړو چې ترکیې منځګړتوب ادامه ولری.
صباح ورځپاڼې " د اوکراین ولسمشر د خپل ځان او خپلې ډلې لپاره د ترکیې ساخت د مرمۍ ضد واسکټ او خولۍ فرمایش ورکړي وو " د سرلیک لاندې لیکلي دي،
د اوکراین ولسمشر ولادیمیر زیلینسکي چې د روسیې او اوکراین د جګړې پر مهال په مکرر ډول له خپل خوندي خولۍ او محافظتي د مرمۍ ضد واسکټ سره راڅرګندیږي د جګړې له پیل سره سم یې د ترکیې له یوزګات ولایت څخه د ځان او خپلې ډلې لپاره د ۲۰ جامع او محافظتي واسکټونو غوښتنه کړې وه.
د حریت ورځپاڼې " د استانبول هوايي ډګر به به د نړیوال هوايي چلند د مهم پروګرام کوربه توب وکړي "د سرلیک لاندې لیکلي دي ، د استانبول هوايي ډګر په ۲۰۲۳ کال کې په نړۍ کې د هوايي سکټور تر ټولو د مهم روتیس ورلډ پروګرام کوربه توب کوي.
