د ترکیې د ورځپاڼو سرټکي
د ترکیې د ورځپاڼو سرټکي
د ینې شفق ورځپاڼې « د ولسمشر اردوغان لخوا د ښځو د حقونو په مسئله کې پیغام » د سرلیک لاندې لیکلي دي، د ترکیې ولسمشر رجب طیب اردوغان د استانبول د تړون نه د ترکیې د وتو په اړه وویل " ترکیې د ښځو پر وړاندې د شدت پر خلاف مبارزه د استانبول د تړون سره نده پيل کړې او ددې تړون نه د ترکیې د وتو سره به دا مبارزه او مجادله پایته ونه رسیږي.
لکه څرنګه چې مو پرون د ښځو پر وړاندې د تاوتریخوالي او شدت پر خلاف او د هغوې د حقونو په اړه مبارزه کوله نن به يي هم کوو او سبا به يي هم وکړو. زمونږ دا مبارزه به لا په قوي توګه دوام وکړي."
د حریت ورځپاڼې « چاووش اوغلو : هغه ذهنیتونه چې د قبرس ترکانو ته د لږه کیو په سترګه ګوري مونږ هم هغوې نه پیژنو » د سرلیک لاندې لیکلي دي، د ترکیې د بهرنیو چارو وزیر مولود چاووش اوغلو وویل چې سویلي قبرس اداره شمالي قبرس ترک جمهوریت او د قبرس ترکانو ته د لږه کیو په سترګه ګوري او دا ډول چلند کوي. د همدې امله دا ډول ذهنیتونه زمونږ لپاره هم د ذره په اندازه اهمیت او قیمت نلري او مونږ يي هم په هیڅ شمیرو.
چاووش اوغلو وویل چې د سویلي روم اداره نن ورځ هم د ملګروملتونو د امنیت شورا د هغه زړه پریکړو چې اعتبار نیټه يي هم ختمه شوې ده تر شا پټیږي او حل پر ځای لا ینحلۍ ته ترجیح ورکوي . د سویلي قبرس دا ډول چلند او کړنې زمونږ لپاره د منلو وړ ندي.
د خبرترک ورځپاڼې « التون : په هر فرصت کې به حقایق بیان کړو » د سرلیک لاندې لیکلي دي، د ترکیې د ولسمشرۍ ماڼۍ ویاند فخرالدین التون د جون په ۲۴ مه نیټه په لاس انجلس او استانبول ښارونو کې په هممهاله توګه د شهید شوو ډیپلوماټانو په اړه جوړو شوو نندارتونونو پرانیست وینا د یوتیوب کانال لخوا د نشر نه ویستل شوې ده . التون د یوتیوب کانال ددې پریکړې په اړه ډیر سخت غبرګون وښود. التون د یوتیوب پر خلاف په غبرګون کې وویل که خوشحالیږۍ او که خفه کیږۍ مونږ په هر فرصت کې د حقایقو بیانولو ته دوام ورکوو. ترهګري دین، عقیده، ژبه، مذهب او قوم نلري. هغه وویل چې مونږ یو ځل بیا پدې خبره ډیر ښه پوه شو لکه د نورو برخو په څیر د رسنیو په برخه کې هم ځايي او ملي پلاټ فورمونو او ټولنیزو رسنیو شبکو ته اړتیا لرو.
د صباح ورځپاڼې « توریزم سکتور د جرمني نه د دوه نیم نه تر ۳ میلیونو تنو پورې د سیلانیانو د راتګ تمه لري » د سرلیک لاندې لیکلي دي، په ترکیه کې د ګرځندوی سکتور مسئولینو ویلي دي چې په جرمني کې ترکیې ته د سیاحت طلب او غوښتنې د اسپانیا، ایټالیا او یونان په څیر د هیوادونو نه ډیر زیات دی. که چیرې کوم مشکل پیدا نشي د دوه نیم نه تر ۳ میلیونو تنو پورې سیلانیان به ترکیې ته راشي. جرمني په اروپا کې د مشر هیواد ارزښت لري. المانان بیا د رخصتۍ د تیرولو لپاره تر ټولو زیات ترکیې ته ترجیح ورکوي.
د سټار ورځپاڼې « د جرمني لخوا د ترکیې تصمیم » د سرلیک لاندې لیکلي دي، جرمني د نوي ډول کرونا ویروس د تدابیر په چوکاټ کې ترکیه د خطرنه د ډکو هیوادونو د لست نه وویست. د جرمني د بهرنیو چارو وزیر هیکو ماس وویل چې په یو هیواد کې چې مثبت پرمختګونه رامنځته کیږي په هغه هیواد ته په سیاحت بندیز لګول معنا او بې ځایه خبره ده.
