د خبرترک ورځپاڼې « د ولسمشر اردوغان لخوا د امریکا ولسمشر بایدن ته ځواب » د سرلیک لاندې لیکلي دي ، د ترکیې ولسمشر رجب طیب اردوغان پرون د کابینې د غونډې نه وروسته په خپله وینا کې  د امریکا د ولسمشر جو بایدن لخوا  د ۱۹۱۵ کلونو پيښې د نسل وژنې په توګه د په رسمیت پیژندو په اړه ډیر سخت غبرګون وښود او وویل چې  د بایدن دا څرګندونې په کامله توګه بې بڼسټه  او د حق او عدالت نه لرې ده. ولسمشر اردوغان په بایدن غږ وکړ چې  تاسې په ترکانو او ترک ملت هیڅډول داسو بې بڼسټه او ناحقه ادعاګانو سره د نسل وژنې ټاپه پورې  کولای نشۍ.

د صباح ورځپاڼې « د فخرالدین التون لخوا د امریکا د بایدن پر خلاف ډیر سخت غبرګون : د بایدن بدبختې او له حد نه تیرې څرګندونې په کلکه توګه غندو » د سرلیک لاندې لیکلي‌ دي، د ترکیې د ولسمشرۍ ماڼۍ د عامه اړیکو رئیس فخرالدین التون ، د امریکا متحده ایالتونو د ولسمشر جو بایدن لخوا د ۱۹۱۵ کلونو پيښې د ارامنه نسل وژنې په توګه د په رسمیت پیژندو په اړه ډیر سخت غبرګون وښود. التون تیره ورځ پدې اړه په خپلو څرګندونو کې وویل چې د بایدن دا دا څرګندونې زمونږ لپاره د ذره په اندازه اهمیت نلري. دا بایدن دا بې مسئولیته ، بې بڼسټه او تشل نامه د نسل وژنې درواغ په کلکه توګه غندو او ردوو. دا یو بدبخته او د حد نه تیرې څرګندونې دي.

د حریت ورځپانې « د کورنیو چارو وزیر: د دښمن ټول شوم پلانونه شنډ  شوي » د سرلیک لاندې لیکلي‌ دي، د ترکیې د کورنیو چارو وزیر سلیمان سویلو پرون د ټولنیزې مډیا له لارې په خپور کړی‌ پيغام کې وویل چې د کورنیو چارو وزارت د روان میلادي‌ کال د جنوري‌ په ۲۶ مه نیټه د هیواد دننه د ۲۵۵۰ تنو پرسونل سره د ترهګرو پر خلاف په پيل کړو عملیاتو کې د ماردین ولایت د نوسایب بین ولسوالۍ د کورو کوی په سیمه کې ۵۰ کیلو ګرامه چاودیدونکو توکي‌ چې د بې ګناه انسانانو د وژلو په خاطر ترینه یو زیات شمیر بمونه جوړ شوي‌ وو ونیول . د ترهګرو ستر شوم پلان شنډ شو.

د ینې شفق ورځپاڼې لیکلي‌ دي‌ د روسیې د کرونا ویروس سپوتنیک ۵ واکسین په ترکیه کې تولید پيلیږي

ترکیې د درملو شرکت د روسیې د پانګوالۍ د صندوق سره د سپوتنیک ۵ واکسین په ترکیه کې د تولید په خاطر تړون لاسلیک کړ

روسیې د کرونا ویروس سپوتنیک ۵ واکسین په ترکیه کې د تولید په برخه کې د ترکیې سره تړون لاسلیک کړ.

د روسیې د مخامخ پانګوالۍ صندوق او د ترکیې د  ویسکوران د درملو شرکت د سپوتنیک ۵ واکسین په ترکیه کې د تولید په برخه کې  تړون لاسلیک کړ.

د رویټرز خبري‌ اژانس ویلي دي‌ چې دا واکسین به د ویسکوران د درملو د شرکت په فابریکو کې تولید شي.

همداشان په راتلوونکو میاشتو کې به ددې واکسین په تولید پيل وشي.

د ویلو ده چې د سپوتنیک ۵ واکسین د روسیې د ګامالیا ایپیدیمولوژي او مایکروبیولوژي‌ ملي‌ انیستیتیوت لخوا جوړ شوی دی.

د لانسټ طبي‌ مجلې روان کال په پیل کې وویل چې د سپوتنیک ۵ واکسین د کرونا ویروس په مقابل کې ۹۱ عشاریه ۶ سلنه اغیزمن دی.

د سټار ورځپاڼې « د صنایع او ټکنالوژۍ وزیر : په ترکیه کې د تولیداتو ظرفیت لوړ کړی شوی دی » د سرلیک لاندې لیکلي‌ دي، د ترکیې د صنایع او ټکنالوژۍ وزیر مصطفی ورانک ویول چې په ترکیه کې د صنایع د تولیداتو کچه او ظرفیت د پام وړ لوړ کړی شوی دی.  د اپریل په میاشت کې دا رقم د صفر عشاریه ۶ سلنې په لوړولو سره ۷۶ عشاریه ۲ سلنې ته ورسول شو.