د ترکیې د ورځپاڼو سرټکي
د ترکیې د ورځپاڼو سرټکي
![د ترکیې د ورځپاڼو سرټکي](http://cdn.trt.net.tr/images/xlarge/rectangle/7720/5e13/2a3d/5dc266a138427.jpg?time=1719160812)
د صباح ورځپاڼې « د سویډن سفیر بهرنیو چارو وزارت ته راوغوښتل شو » د سرلیک لاندې لیکلي دي، په انقره کې د سویډن سفیر د سویډن د بهرنیو چارو وزیر نه وروسته دا ځل ددې هیواد د دفاع وزیر د ویدیو کنفرانس له لارې د پي کاکا ترهګري سازمان د سوریې د څانګو د مشرتابه سره د لیدنې او خبرو له امله د ترکیې د بهرنیو چارو وزارت ته راوغوښتل شو او دا لیدنه په کلکه توګه وغندل شوه. همداشان ددې خبرې په ټینګار وویل شول چې ترکیه به د داعش او پي کاکا ترهګرو سازمانونو پر خلاف مبارزې ته د قوي ارادې سره دوام ورکړي.
د حریت ورځپاڼې « د انرژۍ وزیر : د تورې بحیرې ګاز به تر ۲۰۲۳ کاله پورې مصرف ته چمتو کړو » د سرلیک لاندې لیکلي دي، د ترکیې د انرژۍ او طبعي زیرمو وزیر فاتح دونمز تیره ورځ وویل چې د ترکیې لخوا په توره بحیره کې کشف شوي ګاز به تر ۲۰۲۳ کاله پورې مصرف ته چمتو کړو. د ترکېې د جمهوریت سلمې کلیزې پورې ددې ګازو مصرف ته د چمتو کولو په خاطر چارې دوام لري.
د خبرترک ورځپاڼې « په ترکیه کې د ماشومانو نفوس اعلان شو » د سرلیک لاندې لیکلي دي، د ترکیې د احصایې ادارې د ۲۰۲۰ کال د دسمبر تر ۳۱ مې نیټې پورې په ترکیه کې د ماشومانو نفوس اعلان کړ. د یادې شوې ادارې د شمیرو له مخې د ۲۰۲۰ کال د دسمبر تر ۳۱ مې نیټې د ترکیې نفوس ۸۳ میلیونه ۶۱۴ زره او ۳۶۲ تنه وو چې ۲۲ میلیونه ۷۵۰ زره او ۶۵۷ تنه يي ماشومان دي.
د سټار ورځپاڼې « د ترکیې په وسلو سمبال ډرون الوتکو پدې هیواد کې په جګړه کې ښکیلې خواوې اوربند ته اړ کړې » د سرلیک لاندې لیکلي دي، د اسپانیا د الپیریدکو ورځپاڼې ویلي دي چې د ترکیې په وسلو سمبال ډرون الوتکو چې پدې هیواد کې د روانې جګړې پر مهال د روسیې ساخت یو زیات شمیر دافع هوا سیستمونه ، د الوتکو ضد وسلې او د اسد رژیم اړوند ټانکونه او زغروالې موټرې له منځه یوړې د اسد رژیم يي اوربند ته اړ ویست. د ترکیې د ډرون الوتکو له برکته په سوریه کې اوربند رامنځته شوی دی.
د وطن ورځپاڼې « سلیمان اتلي د اروپا د غیږنیونې اتلولي وګټله » د سرلیک لاندې لیکلي دي، د اروپا د غیږ نیونې په اتلولۍ کې د ترکیې استازي سلیمان اتلي خپل روس رقیب ته د ماتې په ورکولو سره اتلولي ترلاسه کړه.