د ترکیې د ورځپاڼو سرټکي
د ترکیې د ورځپاڼو سرټکي
![د ترکیې د ورځپاڼو سرټکي](http://cdn.trt.net.tr/images/xlarge/rectangle/7720/5e13/2a3d/5dc266a138427.jpg?time=1718569805)
د وطن ورځپاڼې « د ترکیې بهرنیو چارو وزیر د قبرس لپاره د ملګروملتونو د ځانګړي استازي سره لیدنه وکړه » د سرلیک لاندې لیکلي دي، د ترکیې د بهرنیو چارو وزیر مولود چاووش اوغلو د قبرس لپاره د ملګروملتونو د سرمنشي انتونیو ګوتریش د ځانګړي استازي او سلاکار جان هول لوت سره په پلازمینه انقره کې لیدنه وکړه.
چاووش اوغلو او لوت پدې لیدنه کې د اپریل په میاشت کې د سوئیس په پلازمینه جینیوا کې د قبرس په اړه جوړیدونکي پنځه جمع یو غیرې رسمي غونډې د چمتوالي په اړه خبرې وکړې.
د ینې شفق ورځپاڼې « د اسپانیا د بهرنیو چارو وزیره: اروپايي ټولنه باید د ترکیې سره ډیرې ښې او مثبتې اړیکي ولري » د سرلیک لاندې لیکلي دي ، د اسپانیا د بهرنیو چارو وزیرې ګونزالیس لایا تیره ورځ د اروپايي ټولنې د بهرنیو چارو وزیرانو د غونډې نه مخکې په خپلو څرګندونو کې وویل چې اروپايي ټولنه باید د ترکیې سره ښې اړیخې ولري.
د سټار ورځپاڼې « د بې کارۍ ارقام خپاره شول » د سرلیک لاندې لیکلي دي، د ترکیې د احصایې ادارې په ترکیه کې د ۲۰۲۰ کال د بې کارۍ ارقام اعلان کړل.
د احصایې لخوا د اعلان شوو ارقامو له مخې په ۲۰۲۰ کال کې د کرونا ویروس د پراخه وبا ناروغۍ سره سره په ترکیه کې د بې کارۍ کچه صفر عشاریه ۵ سلنې په راټیټیدو سره ۱۳ عشاریه ۲ سلنې ته راټیټه شوه.
د حریت ورځپاڼې « ترکش ایرلاین په اروپا کې لومړی مقام ساتلی دی » د سرلیک لاندې لیکلي دي د اروپا د هوايي سیروسفر د امنیت د تشکیلاتو ایرکنټرول د راپور له مخې د ترکیې هوايي شرکت ترکش ایرلاین د مارچ د میاشتې ۱۵ او ۲۱ مو نیټو ترمنځه د ورځې په اوسط ډول د ۶۷۰ الوتنو سره په اروپا کې په لومړي کتار کې ځای نیولی دی.
د فرانسې هوايي شرکت په دویم کتار کې ځای نیولی دی.
د صباح ورځپاڼې « د ترکیې او هالنډ سیالي به د مایکل اولیور لخوا اداره شي » د سرلیک لاندې لیکلي دي د ۲۰۲۲ کال د فیفا د نړۍوال جام د غوراوي سیالۍ پیلیږي. د ترکیې الف ملي لوبډله د ۲۰۲۲ کال د فیفا د نړۍوال جام د غوراوي د سیالیو په ترڅ کې په جي ډله کې سبا د هالنډ ملي لوبډلې سره لوبه کوي.
دا لوبه د انګلیس ریفري مایکل اولیور تر ادارې لاندې ترسره کیږي.