د ترکیې د ورځپاڼو سرټکي
د ترکیې د ورځپاڼو سرټکي
![د ترکیې د ورځپاڼو سرټکي](http://cdn.trt.net.tr/images/xlarge/rectangle/05c1/58c0/233a/59d484f486e1c.jpg?time=1718833504)
د حریت ورځپاڼې « ترکیه د واکسین په برخه کې په اوم کتار کې ځای لري » د سرلیک لاندې لیکلي دي، په نړۍ کې د کرونا ویروس پر خلاف د واکسین تطبیق د تیر کال د دسمبر په ۱۳ مه نیټه پیل شو خو په ترکیه کې بیا د جنوري په ۱۴ مه نیټه پيل شو.
ترکیه د کرونا ویروس د واکسین په برخه کې په نړۍ کې په اوم کتار کې ځای نیولی دی. پداسې حال کې چې په نړۍ کې د هرو سلو تنو نه ۲ عشاریه ۶۳ سلنه کسان واکسین شوي دي په ترکیه کې بیا دا رقم ۸ سلنې ته رارسیدلی دی.
د وطن ورځپاڼې « ترکیه: مونږ چمتو یو » د سرلیک لاندې لیکلي دي، د ترکیې د بهرنیو چارو وزیر مولود چاوش اوغلو وویل چې د ترکمنستان ګاز ترکیې ته راانتقالولو او د ترکیې له لارې د اروپا بازارونو ته د رسولو په خاطر د نللیکو غځولو ته چمتو یو.
د صباح ورځپاڼې « د ترکیې د هوانوردۍ په تاریخ کې ریکارډ » د سرلیک لاندې لیکلي دي، د ترکیې لومړنۍ ځايي او ملي په وسلو سمبال ډرون الوتکې بیرقدار ټي بي ۲ د ۳۰۰ زره ساعته الوتنې امتحانونه په بریالیتوب سره سرته ورسول. دا د ترکیې د هوانوردۍ په تاریخ کې یو ریکارډ دی. ۳۰۰ زره ساعته الوتنه ۳۴ کاله پرته د ځنډه په دوامداره توګه د الوتنې کولو په معنا دي.
د سټار ورځپاڼې « د ترکیې په مرسته جنګۍ کښتۍ جوړوي » د سرلیک لاندې لیکلي دي، د هندوستان دولتي د کښتۍ جوړولو شرکت د ترکیې نه د تکنالوژۍ د ټرانسفر او مرستې سره د جنګي کښتۍ د جوړولو لپاره چمتوالی نیولی دی.
ویل کیږي پدې پروژې به د یو نیم نه تر دوو میلیاردو ډالرو پورې لګښت راشي. هندي شرکت سره به د استانبول د اناتولیا د کښتۍ جوړولو د شرکت لخوا د ټکنالوژۍ مرسته وشي.
د ینې شفق ورځپاڼې « په ترکیه کې د ګرځندوی په برخه کې نوې هیلې » د سرلیک لاندې لیکلي دي، په انګلستان کې د مارچ ۸ او جنوري د ۲۱ مو نیټو ترمنځه د ژوند د چارو د نورمالیدو په اړه د حکومت لخوا د اعلان نه وروسته د نوموړي ګرځندویانو لخوا د رخصتۍ لپاره ترکیې ته د راتګ په خاطر وړاندیزونه ۶۳۰ سنله لوړ شوي دي.