د ترکیې د ورځپاڼو سرټکي

د صباح ورځپاڼې « ولسمشر اردوغان د ایا صوفیه د جومات نه لیدنه وکړه » د سرلیک لاندې لیکلي دي، د ترکیې ولسمشر رجب طیب اردوغان د جولای په ۲۴ مه نيټه د ایا صوفیه په تاریخي جومات کې ۸۶ کاله وروسته د لومړي ځل لپاره د لمونځ د ادا کیدو نه مخکې د ایا صوفیه جومات نه لیدنه وکړه. ولسمشر اردوغان چې نږدې یو ساعت په ایا صوفیه جومات کې تیر کړ  دلته  د کولتور او ګرځندوی وزیر محمد نوري‌ ایرسوی او د استانبول د والي علي‌ یرلي قایا نه د پرانیستو د مراسمو په خاطر د روانو چارو نه معلومات واخیستل.

د خبرترک ورځپاڼې « د چای صادرات د روان کال په لومړنیو شپږو میاشتو کې ۵۷ سلنه ډیر شوي دي »‌ د سرلیک لاندې لیکلي دي، د ترکیې نه نړۍ ته د روان کال په لومړنیو شپږو میاشتو کې د چای صادرات د تیر کال د همدې مودې په پرتله ۵۷ عشاریه ۶ سلنه په لوړیدو سره ۷ میلیونه ۵۸۷ زره او ۹۶۳ امریکايي ډالرو ته رسیدلي دي.

د وطن ورځپاڼې «‌ په لیبیا کې د ترکیې ځايي د ماین پاکونې روبوت ماینونه پاکوي » د سرلیک لاندې لیکلي دي، د ترکیې د ملي دفاع وزارت په لیبیا کې د ملي او ځايي ماین پاکۍ د روبوت قوتلو نه د ځای په ځای شوو ماینونو او چاویدونکو موادو د لمنځه وړو په برخه کې کار اخلي.

نوموړي‌ روبوت پدې مبارزه کې ډیر مهم او رغنده رول لوبولی دی.

د سټار ورځپاڼې « ترکیې ایران او افغانستان ته الوتنې وځنډولې » د سرلیک لاندې لیکلي دي ، د ترکیې د ټرانسپورت او بڼسټیزو چارو وزارت د کرونا ویروس د تدابیرو په چوکاټ کې ایران او افغانستان ته د الوتنو د ځنډولو پریکړه وکړه.

د حریت ورځپاڼې « په نړۍ کې د لومړي‌ ځل لپاره د وچې حیوان فسیل د اوبو لاندې وموندل شول » د سرلیک لاندې لیکلي دي، د ترکیې د قیصري ولایت د ښاروالۍ په مرسته  د سترو څمڅو د څیړنیزو ډلو لخوا د یامولا  په بند کې د روانو تحقیقاتو په نتیجه کې د فیل فیسول  ۴ پاچې چې ګمان کیږي‌ ۷ نیم میلیونه کاله تاریخي‌ لرغونوالی لري د اوبو لاندې موندل شوي‌ دي. د یادې شوې څیړنیزې ډلې مشر علي‌ ایرتم کیسکین وویل چې ددینه مخکې د سمندري‌ حیواناتو فوسیلونه د اوبو لاندې موندل شوي‌ دي خو دا لومړی ځل دی چې د وچې د یو حیواناتو فوسیلونه د اوبو لاندې موندل کیږي.