د ترکیې د ورځپاڼو سرټکي
د ترکیې د ورځپاڼو سرټکي
![د ترکیې د ورځپاڼو سرټکي](http://cdn.trt.net.tr/images/xlarge/rectangle/7720/5e13/2a3d/5dc266a138427.jpg?time=1719162938)
د ینې شفق ورځپاڼې ” د ولسمشر ویاند : ادلب ته به د پوځي مهماتو او تجهیزاتو لیږل دوام وکړي “ د سرلیک لاندې لیکلي دي، د ترکیې د ولسمشرۍ ماڼۍ ویاند ابراهیم قالن تیره ورځ د وزیرانو د شورا د غونډې پر مهال خبریالانو پوښتنې ځواب کړې. هغه وویل چې په ادلب کې اساس د سوچي هوکړه لیک دی. اسد ځواکونه باید هر څه ژر د سوچي په هوکړه لیک کې ټاکل شوو سرحداتو ته ستانه شي. د ادلب او ملکي وګړو نه د دفاع په خاطر به سیمې ته پوځي مهماتو او تجهیزاتو لیږدولو ته دوام ورکړو.
د سټار ورځپاڼې ” چاوش اوغلو د یونان د ولسمشر پر خلاف ډیر سخت غبرګون وښود “
د سرلیک لاندې لیکلي دي د ترکیې د بهرنیو چارو وزیر مولود چاوش اوغلو د یونان د ولسمشر پروکوپیس پاولوپولوس لخوا د لویدیځې تراکیا نه د لیدنې پر مهال ، د سیمې د ترکي ټولنو نه " د یونان مسلمانو لږه کیو " په توګه د یادولو په اړه ډیر سخت غبرګون وښود.
چاوش اوغلو د یونان د ولسمشر په غبرګون کې د ټولنیزې مډیا له لارې په خپور کړي پیغام کې ویلي دي " د یو داسې هیواد چې ځان د ډیموکراسۍ زانګو بولي ولسمشر لخوا د مسلمانو ترکي ټولنو نه د یونان د مسلمانانو په توګه یادونه کول ډیره د خواشینۍ خبره ده. ځکه چې پدې اړه د اروپا د بشري حقونو د محکمې څو جلا جلا پریکړې او حکمونه شتون لري. تاسې چې ورته څه وایاست مهمه نده. د لویدیځې تراکیا لږه کي ټولنې ترکان دي او ترکان به پاتې شي. "
د صباح ورځپاڼې ” په مسکو کې د ادلب د مذاکراتو په اړه د عمر چیلیک څرګندونې“ د سرلیک لاندې لیکلي دي، د ترکیې د عدالت او پراختیا ګوند ویاند عمر چیلیک پرون د روسیې په پلازمینه مسکو کې د ادلب د مسئلې په اړه د ترکیې او روسیې ترمنځه د ترسره شوو مذاکراتو په اړه څرګندونې وکړې. ترکیې روسیې ته په ډاګه وویل که چیرې د اسد رژیم ځواکونه د سوچي په هوکړه لیک کې ټاکل شوو سرحداتو ته په شا نشي ترکیې وسله وال ځواکونه به دا کار د پوځي عملیاتو ته وکړي.
د حریت ورځپاڼې ” ترک محقیقین انترکتیکا ته ورسیدل “ د سرلیک لاندې لیکلي دي، د ترکیې د انترکتیکا د محقیقینو څلورمه ملي ډله د ۱۵ زره کیلومتره سفر نه وروسته انترکتیکا ته ورسیده. د ترکیې د صنایع او ټکنالوژۍ وزیر مصطفی ورانک ویلي دي چې د ترکیې د انترکتیکا څیړونکې ډله په خیر سره انترکتیکا ته ورسیده. نوموړې ډله به د یوې میاشتې تحقیقاتو نه وروسته بیرته هیواد ته راستنه شي.
د خبرترک ورځپاڼې ” د ولسمشرۍ ماڼۍ د ملت کتابتون په رسمي توګه په فعالیت پیل کوي “ د سرلیک لاندې لیکلي دي، د ترکیې ولسمشر رجب طیب اردوغان وویل چې د ترکیې تر ټولو ستر د ولسمشرۍ ماڼۍ د ملت کتابتون چې د سلجوقي، عثماني او مدرنۍ معمارۍ سره جوړ شوی دی سبا پنجشنبه په رسمي توګه پرانیزي. د ویلو ده چې دا کتابتون به د اونۍ ۷ ورځې او ۲۴ ساعته د لوستونکو پر مخ پرانیستې وي.
دا کتابتون چې په ۱۲۵ زره متر مربع په لویوالي سره جوړه شوې ده په یو وخت کې د ۵۰۰۰ تنو ظرفیت لري.
ددې کتابتون د جوړولو چارې په ۲۰۱۶ کال کې پیل شوې وې.