د ترکیې د ورځپانو  سرټکي

د خبرترک ورځپاڼې ” چاوش اوغلو : په لیبیا کې د اوربند د دوام په صورت کې به نوموړي هیواد اضافه سرتیري وانستوو“ د سرلیک لاندې  لیکلي دي، د ترکیې د بهرنیو چارو وزیر مولود چاوش اوغلو  وویل ، په لیبیا کې  د اوربند  د دوام  او مراعات کولو په صورت کې به  ترکیې  نوموړي هیواد ته  اضافي سرتیري وانستوي. هغه وویل چې په لیبیا کې تر ټولو  مهم  مسئله  د روانو نښتو  درول دي. نوموړی هیواد باید  سیاسي  حل لارې ته  توجه وکړي.

د ینې شفق ورځپاڼې ” د حفتر لخوا  ملکي الوتکو د ویشتو  ګواښ  ترکیه  لاس بری کوي “ د سرلیک لاندې  لیکلي دي،  د کودتاچي جنرال خلیفه حفتر ځواکونو  د لیبیا د میتیګا  پر هوايي ډګر  د توغندیو بریدونه کړي دي. همداشان د طرابلس هوايي حریم  ته نږدې کیدونکي  مساپر وړونکې الوتکې  د حفتر د ځواکونو لخوا په ویشتو ګواښل شوي دي. د ترکیې  د هوايي ځاوکونو یو تن پخواني پیلوټ او قومندان  تورنجرال  بایزید قره تاش ویلي دي چې د حفتر د ځواکونو دا ډول  ګواښونه په اصل کې ترکیه  لاسبری کوي. ترکیې  لیبیا ته د دافع هوا  سیستم  استولی دی. هغه ویول چې  د ترکیې هوايي ځواکونه  د حفتر هدفونه په ډیره  اسانه  توګه د لمنځه وړو توان  لري. د اوربند  په اړه باید  حفتر فکر وکړي.

د سټار ورځپاڼې ” ستولتنبرګ : په ناټو سازمان کې  مجبور یو چې  د ترکیې  پر  اهمیت  ځان  پوه کړو“ د سرلیک لاندې  لیکلي دي، د ناټو سازمان عمومي  سکرتر ینس ستولتنبرګ  وویل چې  ترکیه د ناټو سازمان  یو ډير مهم  غړی  او متحد هیواد دی. د ناټو په سازمان کې د ترکیې د غړیتوب  پر اهمیت  باید ځان پوه کړو. هغه وویل چې ترکیه  د څو مهم لاملونو له امله د ناټو سازمان لپاره  ډیر مهم   غړی  دی. ترکیه  د ناټو سازمان د ماموریت او عملیاتو سره  ډیره مهمه  مرسته کوي. همداشان  د داعش ترهګرې ډلې پر خلاف په مبارزه کې د ترکیې رول  او مجادله  ډیره زیاته مهمه ده .

د حریت ورځپاڼې ” په ۲۰۱۹ کال کې  د ترکیې د دفاعي او هوايي  صادراتو کچه د ۲ عشاریه ۴ میلیارده ډالرو نه واوښته  “ د سرلیک لاندې  لیکلي دي، په ۲۰۱۹ کال کې د ترکیې د دفاعي او هوايي صنایعو صادرات  د ۲۰۱۸ کال په پرتله  ۳۵ سلنه  لوړ شوي  او ۲ عشاریه ۴ میلیاردو ډالرو نه هم  اوښتي دي. د ترکیې په هوايي او دفاعي صنایع  په برخه کې نږدې ۵۰ زره تنه  پرسونل کار کوي.

نوموړی  پرسونل  د  ترکیې  د نوي نسل  ملي جنګي الوتکې د جوړولو نه نیولې تر  اوږد واټنه دفاعي توغندیو سیستم، مصنوعي سپوږمه کۍ، د سپوږمه کۍ د توغولو  سیستم  د یو زیات شمیر  مهمو  سیستمونو په جوړولو بوخت دي.

د وطن ورځپاڼې ” ترکیه د اقتصادي پلوه  د ډیرو قوي اصلاحاتو نه  تیر شو “ د سرلیک لاندې  لیکلي دي، د ترکېې د خزانې او مالیې وزیر برات البیرق  وویل چې  ترکیه  د تولیداتو په برخه کې  د یو ډیر قوي  خصوصي سکتور  خاوند هیواد دی.

هغه وویل چې د ترکیې  نوي اقتصادي سیستم  د میوو په ورکولو پيل کړی دی چې د بانکي سودونو د کچې او تورم  د کچې راټیټیدو نه  یادونه کولای شو.

هغه وویل چې نن ورځ د ترکېې مرکزي بانک  د امریکا د مرکزي بانک په اندازه  خپلواکه  او مستقل  دی.