د ترکیې د ورځپاڼو سرتکي

د خبرترک ورځپاڼې ” تر ټولو زیات د نیالګیو کینولو د ریکارډ سند ولسمشر اردوغان ته تقدیم کړی شو “ د سرلیک لاندې لیکلي دي، په ترکیه کې  د نیالګیو کینولو  د سفربرۍ په چوکاټ کې  په چوروم ولایت کې  په یو ساعت کې د ۳۰۳ زره او ۱۵۰ نیالګیو د کینولو  سره ریکارډ ټینګ کړی وو. د ترکیې د ګرنۍ او ځنګلونو وزیر بکر پاکدیمیرلي ددې ریکارډ  سند  ولسمشر رجب طیب اردوغان ته تقدیم کړ. د ویلو ده چې په چورم ولایت کې  د نوامبر  په ۱۱ مه نيټه په یو ساعت کې تر ټولو زیات د نیالګیو کینولو  ریکارډ د ګینس  د ریکارډونو په کتاب کې ثبت شوی وو. د ویلو ده چې  د نوامبر په ۱۱ مه نيته  په ترکیه کې  په ۸۱ ولایتونو کې په ۲۰۲۳ نقطو کې ۱۱ میلیونه نیګالي په ۳ ساعتونو کې  کینول شوي وو.

د سټار ورځپاڼې ” سوري کډوال په ډیر  امن توګه خپلو کورونو ته ستنیږي “ د سرلیک لاندې لیکلي دي، د ترکیې د ملي دفاع وزارت  ویلي دي چې  د پ ک ک او وای پ جي ترهګرو  ډلو  د ظلم او شدت نه کډوالۍ ته اړ شوي  سوري وګړي  د ترکیې د وسله والو ځواکونو لخوا د هغوې سیمې د ترهګرو نه د تصفیه کولو نه وروسته په داوطلبه توګه خپل هیواد او کور کلو ته  په ستنیدو پیل کړی دی.

همداشان سوري  کډوال د ولسمشر اردوغان او د ترکیې د وسله والو ځواکونو نه ډیره زیاته مننه کوي.

د سټار ورځپاڼې ” روسیه : د ترکیې سره د ssj-100 او ms-21 الوتکو په اړه مذاکرات دوام لري “ د سرلیک لاندې لیکلي دي، د روسیې د متحدو الوتکو شرکت رئیس یوري سلیو سار ویلي دي چې ترکیې  او روسیې  ترمنځه  د ssj-100 او ms-21  مساپر وړونکو الوتکو د تسلیمولو د مسئلې په اړه  خبرې دوام لري. د ویلو ده چې  روسي  شرکت  تیر کال  په استانبول کې  جوړ شوي  د تکنوفسټ استانبول د هوايي او فضايي تکنالوژۍ په فیستیوال کې خپلې دا الوتکې  نړۍ ته  معرفي کړې وې. روسي شرکت  د لومړي ځل لپاره خپلې الوتکې دلته  نندارې ته وړاندې کړې وې.

د حریت ورځپاڼې ” انتالیا د ۱۵ میلیونو تنو ګرځندویانو هدف ترلاسه کړ “ د سرلیک لاندې  لیکلي دي، د ترکیې د انتالیا ولایت چې په نړۍ کې  د ګرځندوی د مهمو  مرکزونو نه یادیږي  سږ کال په ۱۱ میاشتو کې  څه باندې ۱۵ میلیونو تنو ګرځندویانو کوربه توب کړی دی.

د انتالیا ولایت  سږ کال  د بهرنیو ګرځندویانو د کوربه توب په برخه کې ریکارډ ټینګ کړ. د روان  میلادي کال  د جنوري  او نوامبر د میاشتو ترمنځه  انتالیا ولایت ته  ۱۵ میلیونه ۵۶۷ زره تنه  ګرځندویان راغلي دي. د ویلو ده چې  انتالیا ولایت  تیر کال  د ۱۳ میلیونه او ۶۴۲ زرو تنو کوربه توب کړی وو چې  سږ کال  دا رقم  ۱۵ نیم میلیونو نه اوښتی دی.

د وطن ورځپاڼې  ” د ترکیې د فوټبال د ملي لوبډلې ګولکیپر مرد ګونوک په اروپا کې په لومړنیو کتارونو کې ځای ونیو “ د سرلیک لاندې  لیکلي دي، د ترکیې  د فوټبال د ملي لوبډلې  ګولکیپر  د اروپا د ۲۰۲۰ کال د جام د سیالیو د غوراوي په سیالیو کې  د ۹ لوبو نه په ۷ لوبو کې  رقیبې لوبډلې ته  اجازه ورنکړه چې  ترکیې ته ګول ورکړي. په اروپا کې  لومړنیو کتارونو کې ځای نیولی دی. هغه د خپل  دې  بریالیتوب سره  د نړۍ  د ډیرو مهمو لوبغاړو نه هم  خپه واړله.