د ترکیې د ورځپاڼو سرټکي

د خبرترک ورځپاڼې « اردوغان : د ملي امنیت په برخه کې پخپله تصمیم نیوونکی  یو هیواد یو »  د سرلیک لاندې لیکلي دي، د ترکیې ولسمشر رجب طیب اردوغان وویل چې ترکیه د ملي امنیت په مسئلو کې پخپله تصمیم نیوونکی  یو هیواد دی  او پدې مسئله کې  د چا نه اجازه اخیستو ته  اړتیا نلرو. هغه وویل چې د ترکیې لخوا د سوریې په شمال کې په ترسره شوو پوځي عملیاتو کې یواځې په ۹ ورځو کې ۷۶۵ تنه ترهګر له منځه وړي  او ۱۵۰۰ کیلومتره  سیمه  د ترهګرو نه تصفیه کړې ده . هغه وویل د ۱۲۰ ساعتونو د پوره کیدو سره سم  که چیرې  شوې ژمنې  عملي شوي ندي  سمدلاسه  پوځي عملیات د پاتې ځای نه  پیلوو. د امریکا نه زمونږ  هیله داده  چې  ورکړې ته ورکړې ژمنې  عملي کړي او خپلو تعهداتو ته  ژمن پاتې شي.

د وطن ورځپاڼې « د ترهګري سازمان  د کیمیايي  وسلو درواغ » د سرلیک لاندې  لیکلي دي، د پ ک ک ترهګرې ډلې څانګو پ وای ډي چې  د سوریې لخوا د پيل شوو سولې چینې  پوځي عملیاتو په ترڅ کې ډیره ستره  ضربه ولیده او د امریکا متحده ایالتونو د هڅو په پایله کې  ورته  د سیمې نه د وتو په خاطر ۱۲۰ ساعته وخت وټاکل شو  دا ځل  پر ترکیې د ناحقه  تورونو د پورې کولو په خاطر  په ملکي وګړو باندې د کیمیايي وسلو په بریدونو  چې پړه يي پر ترکیې واچوي  لاس پورې کړی دی. د ترکیې د ملي استخباراتو  تشکیلاتو  هغه  اسناد او شواهد  ترلاسه کړي دي چې  د پ ک ک ترهګرې ډلې په کیمیايي وسلو بار ۶ لارۍ  د عراق نه  د سوریې شمال  د قامشلي ولسوالۍ ته  انتقال کړي دي.

د ینې شفق ورځپاڼې « خلوصي اکار: ترکیې وسله وال ځواکونه  یو ګرام  کیمیايي وسله هم نلري »  د سرلیک لاندې لیکلي دي، د ترکیې د ملي دفاع وزیر خلوصي اکار د هغه خبري رسنیو په اړه چې  د سولې چینې د عملیاتو پر مهال  د ترکي ځواکونو لخوا د کیمیايي وسلو د کارولو په اړه يي غلط  او ناسم خبرونه خپاره کړي دي  ډیر سخت غبرګون وښود. هغه وویل چې  د ترکیې وسله وال ځواکونه  یو ګرام  هم  کیمیايي وسله  نلري. هغه وویل چې  د پ ک ک ترهګرې ډلې څانګو  وای پ جي  اوس  پر ترکیې د کیمیايي وسلو د کارولو تورونه پورې کړي  . ترکیه یواځې د جګړې په ډګر کې نه بلکې  رسنیز ډګر کې به هم  ددې ترهګرو پر خلاف  مبارزه وکړي.

د سټار ورځپاڼې « ترکیه د اورواسیا  د ډیټا په مرکز بدلیږي »  د سرلیک لاندې لیکلي دي، ترکیه به په راتلوونکو ورځو کې  د ډیټا سنټر ایرواسیا ایکسپو د نندارتون کوربه توب وکړي. پدې نندارتون کې چې د لومړي ځل لپاره په استانبول کې جوړیږي  د نړۍ د ۳۵ هیوادونو نه ۲۵۰ برانډونه  خپلې وروستۍ تکنالوژۍ  نندارې ته وړاندې کړي. دا ننداتون چې د نوامبر په ۲۸ مه نیټه جوړیږي  د دسمبر تر لومړۍ نیټې به دوام وکړي.

د ویلو ده  چې دا نندارتون به ترکیه  د یو مهم سیمه ایز ځواک  په توګه  نړۍ ته معرفي کړي.

د حریت ورځپاڼې « استانبول د نړۍ تر ټولو د ښکلو ښارونو په کتار کې »  د سرلیک لاندې  لیکلي دي، د نړۍ تر ټولو ښکلي ښارونه  اعلان شول. د فلایت نیټ ورک  په نامه  سیاحتي  ویب پاڼې د څه باندې زرو تنو  ګرځندوی د برخې لیکوالانو  او سیاحتي  نماینده ګیو سره  د مخامخ  لیدنې  په ترڅ کې د نړۍ تر ټولو د ښکلو ۵۰ ښارونو لست جوړ کړی دی.

پدې لست کې  د ترکیې د استانبول ښار په ۱۷ م کتار کې ځای نیولی دی.