د ترکیې د ورځپاڼو سرټکي

د خبرترک ورځپاڼې « ولسمشر اردوغان لخوا د منبج د عملیاتو په اړه څرګندونې »  د سرلیک لاندې لیکلي دي، د ترکیې ولسمشر رجب طیب اردوغان وویل چې په سوریه کې د روانو پوځي عملیاتو نه  ډیره ښه نتیجه ترلاسه شوې ده. هغه وویل چې  پر منبج علمیات پیل شول . ولسمشر اردوغان وویل چې د منبج اصلي خاوندان عربان  دی. زمونږ عرب ورورنه به منبج ته داخل شي. زمونږ دنده او مسئولیت ددې ورونو د امنیت ټینګول  دي.

د وطن ورځپاڼې  « ولسمشر اردوغان د ترهګرۍ پر وړاندې د ترکیې پر مبارزې سترګو پټوونکو باندې  سختې نیوکې وکړې »  د سرلیک لاندې لیکلي دي، د ترکیې ولسمشر رجب طیب اردوغان وویل چې  لویدیځې نړۍ د ترکیې لخوا د ترهګرۍ پر وړاندې په مبارزې  سترګې ړندې کړي دي. هغه وویل چې  زمونږ دا وروستی ګام هم  خپل سبب لري. د عراق شمالي برخې  د پ وای ډي، وای پ جي ، پ ک ک او داعش ترهګرو ډلو تصفیه کول  او سیمه  اصلي خاوندانو ته  سپارل دي. مونږ  په الباب کې د داعش پر خلاف په عملیاتو کې  څه باندې ۳۵۰۰ تنه داعشیان له منځه یوړل او سیمه  موو د ترهګرو نه تصفیه او پاکه کړه  خو نړۍ  پرې سترګې ړندې کړي دي. هغوې زمونږ  دا عملیات نه ویني. ولسمشر اردوغان وویل چې دا ښکاره دوه مخي  ده.

د سټار ورځپاڼې « د داعش سره د پ ک ک او څانګو  همکاري يي په اسنادونو ثابت شوه » د سرلیک لاندې لیکلي دي، د سولې د چینې د عملیاتو په ترڅ کې  د سوریې په شمال کې د تل ابیض سیمه  په کامله توګه د ترهګرو نه تصفیه شوه. همداشان  ددې عملیاتو ویدیويي  فلمونه هم  خپاره شوي دي. په نوموړي فلم کې ښکاري چې د پ ک ک ترهګرې ډلې څانګې  په تل ابیض کې زنداني ټول داعشي ترهګر خوشې کړي دي.

داعشیان هم  د هغوې سره په ګډه تښتیدلی دي. کله چې  ترکي ځواکونه  سیمې ته ورسیدل  د هغه زندانونو چې  داعشیان پکې ساتل کیدل  دیوارونه  الوزل شوي وو او دروازې  خلاصې پرتې وي.

د ینې شفق ورځپاڼې « ټرمپ د امریکا د ملي تلویزیون آی بي سي پر خلاف ډیر سخت غبرګون وښود »  د سرلیک لاندې لیکلي دي د امریکا متحده ایالتونو  ولسمشر دوڼلډ ټرمپ  د امریکا د ای بي سي ( ABC) تلویزیوني کانال لخوا د وسلو د معرفي کولو پر مهال  ثبت شوې  یوه ویدیو په سوریه کې  د ترکیې لخوا د روانو پوځي عملیاتو په نامه  د خپرولو  په اړه  ډیر سخت غبرګون وښود. ټرمپ  د نوموړي تلویزیون ددې اقدام نه  د لویې رسوايي  په توګه یادونه وکړه.

د حریت ورځپاڼې « د ترکیې  هوايي او فضايي صنایعو لخوا تولید  شوي توکي په سویلي کوریا کې  نندارې ته وړاندې کیږي »  د سرلیک لاندې لیکلي دي، د ترکیې د هوايي او فضايي  صنایعو  ادارې ویلي دي چې د لومړي ځل لپاره په سویلي کوریا کې جوړیدونکي  د هوايي او فضايي چارو په نندارتون کې خپل توکي  نندارې ته وړانډې کړي.

دا نندارتون چې  د اکتوبر په پنځمه نيته  پیل شوی دی تر شلمې نیټې به دوام وکړي. پدې نندارتون کې به د ترکیې د اټاک او ګوک بای  په نامه  پرمختللې  الوتکې  نندارې ته  وړاندې شي.

همداشان دا نندارتون د سویلي کوریا سره د اړیکو او مناسباتو د جوړولو  په برخه کې یو ډیر ښه فرصت  دی.