د ترکیې د ورځپاڼو سرتکي

د صباح ورځپاڼې « په ملګروملتونو کې د ولسمشر اردوغان شعارونه د کاپادوکیا ولایت په اسمان کې ورپول شول  »  د سرلیک لاندې لیکلي دي، د ترکیې ولسمشر رجب طیب اردوغان  هغه شعارونه چې د ملګروملتونو د سازمان په عمومي اسمبلۍ کې  په خپله وینا کې ورکړي وو لکه  نړۍ د پنځه نه لویه ده او ترکیې د اسلامي امت امید  دی  د کاپادوکیا  په ولایت کې  د په سترو سترو بالونونو  د ځوړولو نه وروسته اسمان ته  لوړ کړی شول.

د ینې شفق ورځپاڼې « د اسلام دښمنۍ پر خلاف د مبارزې په خاطر تلویزیوني کانال جوړیږي »  د سرلیک لاندې لیکلي دي،  ترکیې ولسمشر رجب طیب اردوغان، د مالیزیا لومړي وزیر مهاتیر محمد او د پاکستان لومړي وزیر  عمران خان  په نیویارک ښار کې  د ملګروملتونو د کلنۍ اسمبلۍ  په چوکاټ کې  درې اړخیزه غونډه وکړه.

د  پاکستان لومړي وزیر  عمران خان د غونډې نه وروسته د ټولنیزې مډیا له لارې  د پيغام په خپرولو سره  د کډ تلویزیوني کانال د جوړولو  د تصمیم نیولو نه خبر ورکړ.

هغه په خپور کړي پیغام کې ویلي دي چې « د ولسمشر اردوغان او لومړي وزیر مهاتر سره  مو په ننۍ درې اړخیزه  غونډه کې  د اسلام فوبیا یا اسلام دښمنۍ  پر خلاف د لا ښې مبارزې او د اسلام د سپڅلي دین په اړه  د غلطو او ناسمو معلوماتو  د اصلاح  او مخنیوي  په خاطر  په انګلیسي  ژبه  د یو ګډ تلویزیوني  کانال د جوړولو پریکړه وکړه.»

د خبرترک ورځپاڼې « په یو کال کې ۲۶۱۱ تنو د ترکېې تابعیت ترلاسه کړ » د سرلیک لاندې لیکلي دي، د ترکیې د تابعیت په قانون کې  د اصلاحاتو  د راستو نه راپدیخوا  په یو کال کې  ۲۶۱۱ تنو د  ترکېې تابعیت ترلاسه کړی دی. په خبر کې راغلي دي چې  د امریکا نه نیولې تر روسیې، کاناډا، دومینک جمهوریت، برازیل، او نړۍ یو زیات شمیر هیوادونو سوداګرو  او پانګه والو  د ترکېې تابعیت ترلاسه کړی دی. د ویلو ده چې پدې موده کې  ۳۸۵۹ تنو  پانګه والو د ترکېې د تابعیت  په خاطر  مراجعه  کړې ده .

د سټار ورځپاڼې «  د امریکا لخوا د ترکیې په اړه  د په شا ګام اوچتولو لامل »  د سرلیک لاندې لیکلي دي، کارپوهانو  ویلي دي چې امریکا  د اف ۳۵ ډوله جنګي الوتکو په مسئله کې د ترکیې په اړه  د په شا ګام اوچتولو یواځنی لامل  د ترکیې په څیر  د مهم  ستراتیژیک  او نږدې متفق هیواد د لاسه ورکولو  ډار وو.

کارپوهانو ویلي دي چې  امریکا په منځني ختيځ کې د خپلو منافعو په خاطر د ترکیې سره  قوي اړیکو ته  اړتیا لري. د بله پلوه  ترکیه په سوریه کې د فرات سیند ختیځو برخو کې  د امن سیمې د جوړولو په مسئله کې  ډیر جدي  او پخه اراده ښودلې ده . همداشان تر ټولو مهمه  خبره داده چې امریکا  پدې خبره  اوس ښه پوه شوې ده چې د اس ۴۰۰ توغندیو  سیستم  د اف ۳۵ ډوله الوتکو ته هیڅډول  کوم خطر  ندی مخامخ کړی  . امریکا اوس غواړي چې د ترکیې سره  اړیکې ښې کړي.

د حریت ورځپاڼې « د ګوتي هرناندیز  لخوا د استانبول پیغام  » د سرلیک لاندې لیکلي دي، د اسپانیا نامتو فوټبالر  ګوتي هرناندیز  پرون په استانبول کې د ۵ عشاریه ۸ په لویوالي سره  د زلزلې د رامنځته کیدو نه وروسته  د ترکیې او په ځانګړې توګه د استانبول خلکو ته د تسلیت او ډاډګیرنې  پيغام  خپور کړی دی. نوموړي  چې یو څه موده د ترکیې د بیشکتاش  په لوبډله کې لوبه کوله  د ټولنیزې مډیا له لارې  استانبول خلکو سره  خواخوږدي  ښودلې ده . هغه په ترکی او اسپانیوي ژبو  پيغام خپور کړی دی.