د ترکیې ورځپاڼو سرټکي

د سټار ورځپاڼې « د پ ک ک ترهګري سازمان نه وار خطا شوی دی »  د سرلیک  لاندې لیکلي دي، د ترکیې وسله والو ځواکونو لخوا  د عراق په شمال کې روانو پنجه یو  او پنجه دوه  په نامه پوځي عملیاتو  د پ ک ک ترهګري سازمان نه  وار خطا کړی دی. د ترهګر وارخطايي  او ډار  په مخابرو کې د هغوې  د خبرو نه  معلومیږي. د پ ک ک ترهګري سازمان اورپکي  د خپلو مشرانو  ډیری  امرونه  نه پر ځای کوي. د مشرانو د اوامرو په ځواب کې وايي که چیرې اسانه کار وي راشۍ تاسې يي پخپله  ترسره کړۍ. د بله پلوه  پ ک ک ترهګری سازمان  د لوژیستیکي اړتیاو له پلوه هم  د جدي ګواښونو او ستونزو سره  مخ  دی. د نوموړي سازمان نه ترهګر  د تیښتې  په حال کې دي.

د ینې شفق ورځپاڼې « د ترکيې د قبالو او ګاډستر ریاست په ۵ هیوادونو کې نماینده ګي پرانیزي »  د سرلیک لاندې لیکلي دي، د ترکیې د قبالو او ګاډستر د ریاست عمومي رئیس محمد ذکي ادلي وویل چې په نږدې راتلوونکي کې به په فرانسه، بلجیم  او عربي هیوادونو په ګډون په ۵ هیوادونو کې  نماینده ګي پرانیزو. هغه وویل  په پام کې لرو چې په ځینو نورو هیوادونو کې هم  ورته  ګام پورته کړو. ددینه وروسته  د هغه کسانو لپاره چې غواړي په ترکیه کې  غیرې منقول اموال  لکه کور ، مځکه، دوکان او داسې نور  وپیري  اړتیا نشته چې ترکیې ته راشي. په همدې نماینده ګیو کې به د پلور پیر  چارې سرته ورسول شي .

د صباح ورځپاڼې « د استانبول – ازمیر نوې جوړه شوې لویه لار دوه ورځې وروسته  پرانیستل کیږي »  د سرلیک لاندې لیکلي دي، د استانبول  او ازمیر ولایتونو ترمنځه  واټن  د ۸ نیم ساعت نه  ۳ نیم ساعت ته راټیټوونکي  نوې لویې لارې  ۱۹۳ کیلومتره  لومړۍ برخه  د اګست په څلورمه  نیټه  د ولسمشر رجب طیب اردوغان په ګډون د ځانګړو مراسمو په ترڅ کې پرانیستل کیږي.

د وطن ورځپاڼې « د ترکي رستورانت مدیر د یو مشتري ژوند  وژغوره »  د سرلیک لاندې لیکلی دي، د انګلستان په پلازمینه  لندن کې  د یو ترک رستورانت  مدیر جیم جان پولات د یو مشتري چې  په ستوني کې ډوډۍ بنده شوې وه  او  مرګ د ګواښ سره مخ  وو  هغه  وژغوره. د رستورانت  مدیر  د انګلستان په رسنیو کې انعکاس وکړ.

د حریت ورځپاڼې « په تیرو دریو کلونو کې  د ګرځندویانو شمیره  ۸۵ سلنه لوړه شوې»  د سرلیک لاندې لیکلي دي، د ترکیې د کاپادوکیا  سیمې ته د روان میلادي کال په لومړنیو ۶ میاشتو کې د تیرو ۳ کلونو په پرتله  ۸۵ سلنه زیات  ګرځندویان راغلي دي. په لومړنیو شپږو میاشتو کې ددې سیمې نه  یو میلیونه او ۲۵۰ زرو  تنو ګرځندویانو لیدنه کړې ده . د ویلو ده چې کاپادوکیا  سیمې ته تر ټولو زیات ګرځندویان د اسیايي هیوادونو نه راځي.

تمه کیږي چې  د روان کال  تر پایه  ددې ښار نه  ۳ میلیونه تنه ګرځندویان  لیدنه وکړي.