د ترکیې د ورځپاڼو سرټکي

د حریت ورځپاڼې « ترکیې په ختیځه مدیترانه کې نوی ګام اوچت کړ » د سرلیک لاندې لیکلي دي، د ترکیې د انرژۍ او طبعي زیرمو وزیر فاتح دونمز وویل چې  د ترکیې د اورچ رئیس د پلټنې کښتۍ به په ختيځه مدیترانه کې د پلټون په چارو پيل وکړي.

سټار ورځپاڼې « د اسپانیا لخوا اروپايي ټولنې ته د ترکیې په اړه خبرداری » د سرلیک لاندې لیکلي دي ، د اسپانیا د بهرنیو چارو وزیر جوزیف بوریل وویل چې  اروپايي ټولنه  په ختیځه مدیترانه کې د ترکیې په اړه  د هرې پریکړې او تصمیم نیولو نه مخکې باید د ډیپلوماسۍ نه کار واخلي. هغه په اروپايي ټولنې غږ وکړ چې په ترکیې د بندیز لګولو په اړه باید  ښه فکر وکړو. هغه وویل  د ترکیې په اړه د هر ګام د اوچتولو اړوند  باید دوه ځله فکر وکړو. ځکه کله  چې  بندیزونه ولګیږي  او بیا  عملي نشي خپل اهمیت  د لاسه ورکوي. هغه وویل چې پدې مسئله کې باید  خبرو اترو او ډیپلوماسۍ ته مخه وکړو. د روان جنجالونه باید د خبرو او مذاکراتو له لارې حل کړو.

د خبرترک ورځپاڼې « استانبول د ګرځندویانو په برخه کې ریکارټ جوړ کړ »  د سرلیک لاندې لیکلي دي ، سږ کال  په لومړنیو پنځو میاشتو کې  استانبول ته د راغلو سیلانیانو په شمیره کې د تیر کال په پرتله  ۱۱ سلنه زیاتوالی راغلی دی. سږ کال په لومړنیو پنځو میاشتو کې  ۵ میلیونه ۴۱۶ زره تنه  ګرځندویان  استانبول ته راغلي دي.

د وطن ورځپاڼې « د مې په میاشت کې اروپايي ټولنې ته د ترکیې صادراتو کچه د وارداتو نه لوړه شوه » د سرلیک لاندې لیکلي دي، د اروپا د احصایې ادارې ایروستات  د مې په میاشت کې اروپايي ټولنې  د نړۍوالې سوداګرۍ راپور  خپور کړ.

په راپور کې راغلي دي چې ترکیې  د مې په میاشت کې  اروپايي ټولنې ته  ۶ میلیارده ۸۷۳ عشاریه ۸ میلیونه ایرو  صادرات کړي دي چې ددې په مقابل کې  واردات  ۶ میلیارده ۳۰۹ عشاریه ۳ میلیارده ایرو دي. ددې شمیرو له مخې  د مې په میاشت کې  اروپايي ټولنې ته د ترکیې د صادراتو کچه د وارداتو په پرتله  ۵۶۴ عشاریه ۵ میلیونه  ایرو  لوړه وه.

د ینې شفق ورځپاڼې « په ترکیه کې د سرمایه ګذارۍ سفربري پيل شوې » د سرلیک لاندې لیکلي دي، د هالنډ د ترکي سوداګرو د ټولنې په بنیه کې جوړ شوی  د هالنډ ترکیې د تجاري همکاریو مرکز په ترکیه کې د سرمایه ګذارۍ  سفربري اعلان کړه.

نوموړي مرکز چارواکیو ویلي دي چې  په ترکیه کې به په نهو سکتورونو کې  سرمایه ګذاري وشي. د روغتیا، کرنۍ، مالدارۍ او غلې، معلوماتي تکنالوژۍ، کیمیا، انرژۍ ، نوې کیدونکې انرژۍ، هوانوردۍ او فضايي  چارو، لوړې تکنالوژۍ، د اوبو  ادارې  او سمندري چارو په برخو کې به  سرمایه ګذاري وشي.