د ترکیې د ورځپاڼو سرټکي
د ترکیې د ورځپاڼو سرټکي
![د ترکیې د ورځپاڼو سرټکي](http://cdn.trt.net.tr/images/xlarge/rectangle/05c1/58c0/233a/59d484f486e1c.jpg?time=1719132339)
د سټار ورځپاڼې « د روسیې لخوا د اس ۴۰۰ په اړه مهمې څرګندونې » د سرلیک لاندې لیکلي دي، د روسیې د بهرنیو چارو د وزارت مرستیال سرګي ریابکوف وویل چې د امریکا متحده ایالتونونو د ټولو حملو په مقابل کې د انقرې او مسکو ترمنځه د اس ۴۰۰ دفاعي توغندي په مسئله کې کومه ستونزه شتون نلري. روسیه به د پلان په مطابق د شوي تړون له مخې خپل ټول مسئولیتونه په خپل وخت او پرته د کوم خنډ نه پر ځای کړي. روسیه به د اس ۴۰۰ دفاعي توغندي د جولای په میاشت کې ترکیې ته تسلیم کړي.
د صباح ورځپاڼې « د جرمني لخوا د ترکیې ستاینه » د سرلیک لاندې لیکلي دي، د جرمني د اقتصاد او انرژۍ وزارت مرستیال توماس باریس ویلی دي چې د ترکیې او جرمني ترمنځه د انرژۍ، ټرانسپورت او ګرځندوی په برخه کې د همکاریو ډیر قوي پوتانشیل شتون لري.
د وطن ورځپاڼې « په استانبول کې تولیدلیږي او نړۍ ته صادریږي » د سرلیک لاندې لیکلي دي، د استانبول د صادراتو ټولنې ویلي دي چې د روان کال د جنوري او مې د میاشتو ترمنځه په استانبول کې تولید شوي د نساجۍ نه نیولې تر تیارو جامو ، د موټرو نه نیولي تر میوې او ترکارۍ ، جواهراتو پورې ۲۷ جلا جلا قلمه توکي د نړۍ ۲۲۷ نقطو ته صادر کړي دي. پدې موده کې ترکیې ۲۹ عشاریه ۸ میلیارده ډالرو په ارزښت صادرات کړي دي.
د خبرترک ورځپاڼې « روس ګرځندویانو سږ کال هم د رخصتۍ په خاطر ترکیه انتخاب کړه » د سرلیک لاندې لیکلي دي، روس ګرځندویانو سږ کال د رخصتۍ په خاطر یو ځل بیا ترکیې ته ترجیح ورکړه.
سږ کال په لومړنیو ۵ میاشتو کې ترکیې ته د راغلو روس ګرځندویانو شمیره یو میلیون او ۳۰۰ زرو تنو نه اوښتې ده. چارواکیو ویلي دي تمه کیږي چې سږ کال څه باندې ۶ میلیونه تنه روس ګرځندویان ترکیې ته راشي.
د حریت ورځپاڼې « په زرګونو کسان راغلي » د سرلیک لاندې لیکلي دي د ترکیې د ایدن ولایت د کوش اداسي په ولسوالۍ کې ۴ ډیر لویو د ګرځندوی کښتیو لنګر اچلی دی.
ددې کښتیو ۴۸۰۰ تنه ګرځندویان او ۲۳۷۰ تنه پرسونل یادې شوې ولسوالۍ ته داخل شوي دي.
ویل کیږي ډیری ګرځندویان بیا په بسونو کې د ازمیر او نورو ولایتونو ته سفر کوي. یو زیات شمیر ګرځندویان په ازمیر ولایت کې د ایفس او بې بي مریم د کور نه لیدنه کوي.
ځینې ګرځندویان بیا د یادې شوې ولسوالۍ سواحلو ته مخه کوي.